18 Towan Heatherstone mèndhel sakeddjha’, ta’ abit pas marèksa polè:,,Apa băna ngèbă răng-bharăng ḍari ḍija? Arèja bădă lampatta katèdoengan,” ,,Engghi, amarghă tjă’èpon ana’na tjompo’ sareng èssèna panèka ghadhoeănna eppa’na, sarrèna rèng towana mangkèn wafat, dhăddhi ampon tanto sè ngaanḍi’ răng-bhărăng ghăpanèka ana’na. Dhinèng mèlana randjăng ka’into èbhăkta ka tjompo’, sabăb kaoelă ta’ ghă-dhoeăn katèḍoengan sè èbăghiă ka kana’ ghellă’.”
,,Apa bădă rat-sorat sè taghiba kèja?”
,,Ghăpanèka kaoelă ta’ onèng, sabăb sè long-mapolong răng-bhă-răng nè’-kènè’ kana’ ka’into dhibi’. Dhinèng sè Kaoelă bhăkta, namong Peṭṭè sèttong sareng tak-kotak nè’-kenè’, djhoeghè kaoelè ta’ onèng ponapa èssèna. Pandă’ kaoelă ta’ tèghă sè adhingghălè kana’ ghă-panèka bădă èka’ijă, ampon tanto răng-bhărăngnga èdjhoe’-ghăriddjhoe’ malèng, ponapa polè kaoelă ampon karè adjhăndjhi ka orèng towana, djha’ araksa’a da’ kana’ panèka.”
,,Bhenḍer, nangèng: sarrèna orèng rèja la katara djhă' atatolong radjă, ba’na sanjatana ta’ ollè bă-ngèbă pa-apa ḍări dinna’.”
,,Pandjheniengngan ma’ pas ngaghăli bhăi, ponapa eae
ngan kennal ka orèng sè matè ka’rowa?”
,oengko’ ta’ ngotja’ djha’ sèngko’ kennal ka aba’na.”
Eduard: .,Sala sèttong, towan, pandjhennengngan kennal ka majjit panèka, otabă pandjhennengngan ngaghăli djha’ abi’na atjompo’ èka’into.”
,,Ba’na mè' tjè’? maksana bărijă sè atanja, tjong. Sèngko’ kennal ka orèng sè andi’ bengko arèja. Aba’na èokom patè so Parlemmèn, nangèng nogennèng mènggat ḍări seppir sarta pas abhoeroen, Orèng njangka, aba’na njabbhrăng saghără, boeroe ka naghără mantja. Rat-so-rat rèja èatorraghiă ka Parlemmèn karana bănnjă’ ghoenana, mènangka dhăddhiă katerranganna sè matè băn păn-bărămpan parkara laèna.”
Eduard njambhoengè: ,, . . . . băn njopprè sadjăna bănnjă’ orèng sè èokom pale.”
,,Neng-enneng, djhă’ abhănta, ta’ ladjăk ba’na tja’ngotja’ mara djrèjal” ,,sè ta’ ladjăk ghoe ta’ manabi noro’ ḍhăng-onḍhăngnga paprènta an sè samangkèn, nangèng kaboeliăna Sang Radjhă Karel II ta’ poron èkotja’ orèng: ta’ ladjăk, ta’ ladjăk, panapa sè ta’ ladjak?”
