23
Humpbrey: ,,Pakara djârèja bǎ’na djhǎ’ ro'-noro’ ngasoss,a
tjokop sèngko’ so Pablo. Molana mon bǎ’na nemmo pangghǎbǎjǎn
sè abhǎghoesǎn so èḍinna’, la ella la lǎn-djhǎlǎn, dhina sèngko' sè
adjǎg'ǎ'd bengko so tan-trètan. Mon Sang Radjhǎ la raboe ka Schot-
land, ta’ boeroeng bǎnnja’ rèng-orèng sè maso’a dhǎddhi bhǎlǎ-
tantrana, bǎ’na la pas maso’, apana. Mon bǎ’na langgheng bǎdǎ ḍijǎ
bhǎi, kapènterranna bǎ’na taḍǎ’ ghoenana, sabǎb ta’ èangghoei; mon
tja’ sèngko’ bǎ’na abhǎghoesǎn atatolong Sang Radjhǎ, ètèmbhǎng
so bǎdǎ èḍijǎ bhǎi. Dhǎddhi, Eduard, mon bǎ'na èparèngè pangghǎ-
bǎjǎn so towan Kobǎsa rowa, trèma bhăi, bă’na băḍă ḍissa tanto
tao ka kabădă’ănnă Radjhă băn ka kabăda’ănna mosona. Bă’na mon
abidhă bǎdă aḍinna’ bhǎi, ta’ boeroeng po'-tjapo’ ètangkep, marghǎ
meḍḍhil mandjhǎngan.”
Eduard aghellǎ’ mèreng otja’na alè’na, pas njambhit: ,,Ijă ong- ghoe, saeddjhegghǎ sèngko’ ghi’ ta’ tao ngatorè partolongan pa-apa dǎ' Sang Radjhǎ, nèngghǎri mandjhǎnganna sè ijǎ. Parkara pangghǎbǎjǎn sèngko’ ijǎ ghellem nampanè, angsal ta’ ra-sara dhǎlloe’ tor mon radjǎ ghoenana ka Sang Radjhǎ.”
Saamponna maré asa-gessa, Eduard sareng Humphrey ladjhoe paḍa tèḍoeng.
Kalagghoeǎnnèpon kana’ kaḍoewǎ panèka pas ngalè peṭṭe sè èbhenḍem. Sareng èboekka’, aèssè rat sorat sareng bǎng-dhǎloebǎng laènna; kadjhǎbhǎ ḍǎri panèka: pèssè dinar, bhǎrǎng rarengghǎn ana-bǎrna ḍǎri emmas sareng salaka, sè paḍǎ rang-larang arghǎna. Rat-sorat bhoeroe bhǎḍhi èatorraghiǎ dǎ’ towan Kobǎsa, amarghǎ Eduard ampon ngangghep sareng parijadjǎ ongghoe ka towan bhoe- roe.
Eduard ngotja’: Rǎng-bhǎrǎng rèja èman mon ta’ èkaollèa Clara. Bǎddhinna èrampasa so towan. Èmanna Clara sè pas apèsa’a. Robǎ- na ghoe ta’ dhoe-paraddhoe, jǎ lè’?”
Humphrey: ,,Ḍhasar ijǎ, sèngko’ la-rèja’ towana mè’ ta’ tao ngatèla na’-kana’ kanṭa djǎrèja robǎna, djhǎbhǎ satèja rèja bhăi; kana’ djărèja tao rassana para’ ijalaka’a, lantaranna bǎrijǎ: nalèka sèttong tèmpo Clara èro-soro eppa’na èntar ka Lymington. Molèna, è lǎn- djhǎlǎn ladjhoe ètja-antja orèng, ijǎ ontongnga ghi' salamet.”
Eduard: ,,Kanṭa eppa’na djǎrèja mè’ bǎngal njoro ana’na bi’dhi- dhibi’an adjhǎlǎnan djhǎoe bǎrijǎ?"
