27
ana' ḍǎri kabhălăi radjǎ, sampè' matè ta' kèra lang-èlang ḍǎri tang
ngen-angen. Molana sèngko' pas anḍi' karettek terro aloe-djhoeloeǎ
ka bå'na; sèngko' ngarep mandhǎr pas étampanana klabǎn sennengnga
atèna bǎʼna: sèngko' anḍi' èngettan ngangkata bǎ'na dhǎddhi Secretaris
rosèja [1]. Pangghăbăjǎn djǎrèja kennèng èkotja' ta' èkabhǎbǎ
Parlemmèn, amarghǎ sèngko' la tao, djhǎ' bǎ'na ta' soka' ngaboelǎ
ka paprènta'an sè satèja. Bǎ'na sasat taḍa' lakona, kadjhǎbhǎna tjoma
nolès otabǎ ngaterraghi rat-sorat ehhèm ḍa' tang bǎt-soebǎt. Mon
bǎ'na ghellem nampanè pangkat djărèja, bǎ'na pas enneng è bengko
sakalè; sabbhǎn boelǎn bǎ'na ègǎdjia sapantessa. Mon bǎ'na ghellem
adjhălănè pangghǎbǎjǎn djǎrèja, kapènterranna bǎ'na tanto atambă
sarta bǎ'na pas tao ḍa' ka' èngko'na paprènta'an naghǎrǎ. Sanjatana,
Eduard, ta' ghǎmpang sèngko' abherri' pangkat djǎrėja ka orèng, mon
ta' lakar kennèng èpartjadjă ghoe-ongghoe. Sèngko' endjǎ' ta pas
ménta'a otja'na bǎ'na satèja, nangèng rembhoek ghǎlloe so tan-trètanna,
rampa ta' rampa, bhoeroe sèngko' bherri'i tao."
Saamponna ghǎpanèka, Eduard ladjhoe nolongè Humphrey sareng Pablo sè ghi' ghă-maongghǎ răng bhărăng ka djikarra towan Kobăsa. Sareng ampon maré, abǎ'na pas terros lebbhoe ka roma, mangghi'i Patientia. Robǎèpon kana' panèka ampon akadhiǎ sè atarètan lerres sareng na'-kana' binè' sè katello, sapanèka djhoeghǎ towan Heatherstone è bǎkto ghǎpanèka katèngal tjè' maremma ghălina ngolatè rokonna na'-kana' binè sè kaempa; Eduard tjè' ghettonna, amarghǎ saeddjheg- ghǎ towan ghǎpanèka ta' onèng renna kadhi è băkto ghǎpanèka. Ta' abit Alice sareng Edith pas alèlèrraghi djhǎdjhăn ka moj-tamojja. Towan Kobasa aḍhǎboe: „Pya, ella, Eduard, mon tan-trètanna bǎ'na rèja la kennéng oljol adjǎgǎ bengko, djhǎ' rèja' ta korang pa-apa."
Eduard: Engghi, djhoeghǎ kanelǎ ta' onèng neḍḍhǎ kadhi panè- ka, kadjhǎbhǎ mangkèn, onèng djhoeghăn, namong sataon sakalèan. Sarrena pandjhennengngan raboeă, dhǎddhi Alice marloaghi ala-ola saḍa-băḍǎna sareng sanèng-onèngnga."
Towan (sambi mèsem):„lja, sèngko' la partjadjă djhǎ' båʼna rèn-arènna ta' kèra ngakan kanţa rèja. Naddjhăn satèja kabhender- rǎna andi' ghoeringnga mandjhängan sakalè, tarmè' èangka'aghi ka kobǎsana alas?"
- ↑ Djhoerlolès rosèja. Maos: Sékertaris.
