28
Humphrey: „Bhoenten, towan, lakar taḍa' ongghoe, djhǎ' băḍǎ'ǎ,
bhǎḍhi ponapa èèrreppa?"
Towan: „Endjǎ', kana', sèngko', sakèng aghǎdjǎ'. Madjoe djhǎ' molèa, bhing, mè' ollè on-laonan neng-è djhălăn, kanèserrè Clara, rèng ghi ta' toman nompa' djhǎrǎn" Ta' abit moj-tamoj pas paḍǎ kalowar sadhǎdjă, Towan Heatherstone maongghǎ Clara ka djbǎ- rǎnna, dhinèng Eduard maongghǎ Patientia. Kalana para' mangkata, Patientia ngotja' ka Eduard: „Panjo'on kaoelǎ, moghiǎ- moghǎ sampèjan nglampa'ana pangghǎbǎjǎn sè èdhaboeǎghi eppa' ghellǎ'. Saghoenong bhoengana atè kaoelǎ, manabi sampèjan kasokan narèma."
Eduard: „Èngghi, mangkèn ghi èkèr-pèkkèra ḍhingèn. Saèstona parkara ghǎpanèka panapa tja'èpon Humphrey."
Patientia:”Manabi sapanèka kèngèng èarep, amarghǎ radjina èng- ghǎrowa ropana pènter tor bilet."
Eduard: „Dhǎddhi njamana sampèjan ta' partjadjă dă' kapènter- ran kaoelǎ."
Patientia: „Bhoenten ta' sapanèka, sampèjan ta' kala pènter, ta' kala bilet; namong mangkèn, non-ghǎlǎnon, ghi' èlompa' radjǎ nak- so sareng radjǎ atè."
Eduard: „Ma'loem, nona, kaoelǎ wa-towa è Arnwood. Djhoeghǎ tabi'at kaoelǎ, moghǎ ta' kantosa abit polè, mandhǎr aobǎ'ǎ, èlanga sadhǎdjă băbătek-bǎbǎtek sè korang saè."
Patientia: „Mogha sampèjan aparènga sapora; saèstona kaoelǎ ta' pantes tor-mator kadhi ghellǎ' ka sampèjan. Ampon, nara èngghi, mandhǎr padǎ'ǎ salamet, èngghǎlă apangghi polè."
Sareng towan Heatherstone ampon bhoebhăr, Eduard pas apèrembhǎ- ghan sareng Humphrey parkara ḍhǎboena towan ka'rowa.
Humphrey: „Mon tja' sèngko' bǎ'na bhǎghoesăn adjhǎlǎnẻ, Eduard, me' ollè nambǎi pangataoanna bǎ'na. Mon bǎ'na băḍă'ǎ ḍijǎ bhǎi, ka bărǎ' ka temor taḍa' ghoenana, abiddhǎ abit kapènterranna èlang bărijă. La dhina, bǎ'na ta' osa kèr-pèkkèran sèngko' tabǎ laènna, sabǎb Pablo satèja la tao long-nolongè sèngko'. Towan băngal abherri' pangkat djǎrèja ta' sakèng radjǎna kaprotanganna ka bă'na; ta' ghep-ngangghebbhǎ băn djǎ-partjadjă ghoe-ongghoe, ḍimma ra, djhǎlǎnna sè aparenga kalakoan djǎrèja. Sarta polè sennengnga, amarghă towan satèja ta' tjotjok so paprènta'an sè anjar. Dhinèng bǎ'na ta' tasangkot pa-apa ka Parlemmèn, kadjhǎbhǎna noro' prèntana towan
