30
Humphrey: „ljǎ, mara la tjo-kotjo bhǎi, mandhǎr ngennènga
meghǎ' ongghoe lǎka. Pola mè' akanṭa ghi' sapè rowa. Ta' bǎ'na so
Jakob sè alǎ'-ghellǎ', marèna bǎrǎmma, ghoerocǎn sang otja'? Ella,
ka, Eduard, sèngko' nolongana Alice inèrèt sapè, robǎna sapèua
kessèt."
Saamponna marè aparembhǎghăn, Eduard pas èntar djǎr-klèndjár ka alas sambi kèr-pèkkèran parkara sè dhǎddhiǎ Sèkretaris. Abǎ'na pas tjè' kentjengnga sè adjhǎlǎnnaghia pangghǎbǎjǎn èngghǎrowa, amarghǎ ènga' ḍǎ' kasaèannèpon Patientia, agher sè lăng-saghoeloenga; pèkkèrra sapanèka: „Mon sèngko' dhǎddhi Sèkretaris, tanto ngatèla' Patientia sabbhǎn arè. Ella, bettjè' ètampanana bhǎi pangkat djrèja. Eh, sapa sè njana'a djhǎ' sèngko' asoebădhă so lowan, krana bǎkto sèngko' atemmo kabidhăn, pas ta' terro ngatèla'a polè; nangèng satèja sèngko' pas tjè' toḍoessa sarta tjè' tako'na ka abǎ'na, sabǎb talèbǎt ngangghebbhǎ ka sèngko'. Bǎddhinna lantaranna perrang rèja marghǎ Sang Radjhǎ ngangghoej kasokanna dhibi', ta' monḍhoet partem- bhǎnganna bhǎbà parèntana. Abă-tambǎ njahoedhǎ ha'-ehha'na lă-kaboe- lǎna. La ta' manglo rèng-orèng sè pas alabǎna; ijǎ kèja parkara alabǎn la pantessa, nangèng mon sampè' Sang Radjhǎ èokom patè djrèja ta' sorop sakalè; maskè towan ijă ta' mofakat kèja ḍǎ' okoman djrèja. Rèng-orèng sè alabǎn (amoso) Sang Radjhǎ rowa saddjhǎna tjoma sopadjǎ ollèa kamardhika'an. Bhǎreng Sampèjan-dhǎlem kaasoran perrangnga, pas èsèlong ka laèn naghără sarta pas èsèdhăi. Pya, mon bǎrijǎ okomanna tjè' ta' satèmbhǎngnga so kasala'anna. Parkara kamardhika'an djǎrèja djhoe ta' èkennèng sarè ta' kalabǎn njèdhǎi Radjhǎ."
Ta' antara abit Eduard ampon èpangghi nattolla ka tjompo'na sarta pas neḍḍhǎ asareng tan-trètanna.
BHǍB SÈ KAPÈNG EMPA'
Edith:„Pablo ghellǎ' mokol tang kotjèng, Eduard, ombhăng, ral" Pablo aghellǎ bisaos, mèlana Edith sadjǎn seḍḍhi pas ngotja' polè: „Abă, djhelling ta' ghi' ngè-srèngèan bhǎi, palebbhoe polè, ra, ka djhoerǎngnga rowa!"
Pablo: „Ḍoe marèna djhǎ' kaoelǎ eghrǎma' kaaḍǎ', ta' èpokola sapanèka."
