32
Sanattolla ka dhǎlemma towan Kobǎsa, Eduard pas terros nokṭok
labăng; dhinèng djǎrǎnna èbhǎkta Oswald ka gheḍḍhoeghǎn. Sareng
ampon lebbhoe ka kamar, Eduard apangghi sareng towan Kobasa.
Towan adhǎboe: „Padă bărǎs, Eduard, bărǎmma parkara tang pa.
mènta, soka' apa endjǎ' bǎ'na nampanè?"
Eduard: „Parkara pamonḍhoeddhǎ pandjbennengngan, towan, kaoelǎ ta' mator bhoenten, mator èngghi, djhoeghǎ kaoelă ghi' adjhǎ- djhǎlaǎ dhingèn sarengngan panjo'on kaoelǎ, manabi kaoelǎ ta' kellar nerrossaghi, moghǎ èèdhina njo'on amboe."
„Endjǎ', Eduard, ta' kèra taberrǎ' dhǎlloe, pangghǎbǎjǎn djrèja la satèmbhǎng so kapènterranna bǎ'na. Bǎ'na tjoma nolès malolo; molana sèngko' ngangghoej bǎ'na, amarghǎ sèngko' là towa, tang mata la rabeng. Ijǎ sopadjǎ ta' bhoesenna, bǎ'na so sèngko' kaḍhǎng èsoroa èntar ka Londen, mon panoddjhoe sèngko' ta' ngennèng èntar dhibi'. Panḍa', ta' berra' kanṭa panjanana bǎ'na."
Eduard: „Korang prèksa, manabi sapanèka."
„Bǎ'na èḍijǎ ollè kamar dhibi', ngakan ijă abhǎreng so sèngko' la djhǎ' pasasèko pole. Bilǎ-bilă bă'na sè ngallèa kanna', sèngko' berri'i tao, sopadja ollèa ḍer-mabhenḍer kennengnganna sabelloenna."
Eduard: Mangkèn ḍhingèn, kaoelǎ ghi' njarèa angghoej, sabǎb angghoej panèka ta' patot manabi èangghoej Sekretaris."
„ljǎ, djrèja angghoej mon bă'na èntara abhǎbhoeroe. Dhinèng mon bǎ'na mellèa angghoej, mellè dhăddhina bhăi, è Lymington bǎnnja' orèng adjhoewǎl; mon bǎ'na taḍa' sè èkabelliă, dhina èbher- ri'ǎna so sèngko'."
„Ampon, saklangkong, bhǎdhǎn-kaoelă bădă, rassa kaoelǎ tjokop manabi namong sakabellianna angghoej kaoelǎ, djhoeghǎ ta' bǎnnja' kadhi pèssèna Clara."
„ljǎ, sèngko' ta' njana sakalè djhǎ' eppa'na Clara djǎrèja bǎnnja' pèssèna. Satèja ghoe ta' arè Rebbhoe? Apa ngennèng bǎ'na ngallè kanna' arè Sennèn ḍǎteng ḍijǎ?"
„Mandhǎr taḍǎ'ǎ alangan pa-ponapa."
„Ella, jǎ, parkara rèja la potos. Apa bă'na terro taoa kamarra? Bèja' neng-ḍijǎ rèja kamarra Patientia so Clara. Ella, kassa mon nèngghoeǎ, mènta ater ka Patientia. Ḍhidḍhi'ǎ kana' djǎrèja bhoengana, dhoemèn ngeḍing, djhǎ' bǎ'na ennengnga ḍinna'. Dhǎgghi' bǎ'na la djhǎ' molè, nep-ngènep ḍinna' bhăi. Ella, kassa!"
