Kalana Agatha njabis ka njonja kalabăn sossana atèna, dhi-abdhi laènna èntar ka kamarra arèngkessè dhăndhănanna. Jakob ngotja': „Sengko' la ta' mèkkèrana njonja, sabăb sèngko' ella seḍḍheng sè ngoghoeng, nangèng ta' èettjosè; anggher sèngko' la èlèllanè ngèbă na-kana' se kaempa rowa bhăi, dhina njonja ma' bi'-dhibi'ăn băḍă èdijā.” Jakob pas njarè'è na'-kana' ghăpanèka, èpangghi è kebbhoen prappa'na èn-maènan; ladjhoe paḍă èolok, sarta èsoro arèngkessè dhăndhănanna, sabăb kareppa Jakob na'-kana' ghǎpanèka èbhǎkta'a palèman è malem ghăpanèka djhoeghă.
Pas băḍă sè atanja: „Sèngko' satrètan mè' pas noro'a bǎ'na bhǎi, băḍă apa?"
Sambhiddhå Jakob: „,Bhălăna Parlemmèn dhăgghi' bhǎkal ngobbhără bengko nèko."
Kana' ghǎpanèka ngotja' polè: „Sapa sè băngala ngobbhăr bengko arèja"
Saotta Jakob:,,Bhǎlăna Parlemmèn.”
Eduard pas ngotja': „,Dhina sengko' sè alabǎna ḍoe-sarḍăḍoe djrèja, èbheḍḍhilă; mohal kanṭa Benjamin sè ta' nolongana sèngko'."
Jakob ngotja' polè: „Bărămma, dhika djhă' nèng tjoma wǎ’-ḍoewǎ’ǎn sè alabǎna ka sarḍǎḍoe pan-bărămpan atos, pon tanto kala. Panḍǎ'na ḍoe-sarḍaḍoe ghǎnèko pon ta' èkennèng laban. Napè dhika tèghǎ adjheling tan-trètan binè'na èobbhăr ḍoe-sarḍăḍoe ghǎrowa? Kèra boelǎ enten; molana pon-empon kes-rèngkessè angghoejjă dhika so tan-trètanna, pas boewǎ' ka djhărǎn plangka nèko; dhika satrètan maḍḍhǎ noro' boelǎ ka bengko; boelǎ sè arabădhăna dhika satrètan."
Humphrey ngotja': Mon bǎrijă sèngko' senneng, madjoe, Eduard, la paranta kabbhi, apa sè èkèbǎ'ǎ."
Sanjatana Eduard Beverley tjè' berră'na sè adhingghălǎ padhǎlemman ghǎpanèka, nangèng sareng èghoeng-oghoeng sareng Jakob, ḍi-boeḍina pas poron djhoeghăn, sarta ladjhoe arèngkessé dhăndhǎnanna. Jakob ngotja' ḍǎ' na'-kana' kaempa: Ghellă' băḍă otja'na èbhoena ka boelǎ, Martha. èsoro noro', me' aladhinè dhika, nangèng è panèmbhăng boelǎ abǎ'na masè taḍǎ' djhălănna sè ghellemma, băn polè èko'issa taḍǎ' sè èkatèḍoengana, amarghă, bengko boelă tjè kènè'na.”
Humphrey ngotja': „Ella ta' parlo, apana kaţèkan ngèbă'ă Martha.”
Jakob ngotja' polè: „Maḍḍhǎ kėbǎ tel-bhoentel něko kabăbă, boelă ghi' ngoloka tan-trètan binè'na ghărowa."
