35
bhǎrǎng sakalè; njaman kaoelǎ pas akèrèma bhǎng-kembhǎngan ka
dji-radjina èka'issa."
Eduard: „Saè ongghoe, sabǎb na'-kana' è tjompo' paḍă saklangkong leboer da' bhǎng-kembhǎngan."
Patientia: „Sampèjan ponapa ta' èpakon kèlem èka into sareng eppa'
Eduard: „Engghi, kaoelǎ èngghi ampon mator djhǎ' ngèneppa. Mèlana kaoelǎ poron, sabab bǎnnè Phoebe sè njadija'ághiǎ katèḍoengan kaoelā."
Patientia: „Lakar èngghi ongghoe, Phoebe ghi' ḍhingèn lakar tje' ta' ladjǎgghǎ, mèlana mangkèn toḍoes sè apangghia sareng sampèjan; nangèng bǎdǎ ontongnga djhoeghǎn, djha' auoa sampèjan djhoengennèng atolong kaoelǎ. Ta' langkong moghǎ èkabbroeǎna saos."
Eduard: „Ta' mabi kaoelǎ kabbroei, mala kaoelǎ kodhoe aberri' tarèma kasi ka Phoebe, amarghǎ kaoelǎ sè ollè kamar saè panèka lantaran ḍǎri abǎ'na."
Clara: „Patientia, sèngko' nangalè Phoebe nata ḍhǎ'ǎr, pokol bărǎmpa satèja?"
Patientia: „Bá, ma' la ètemmo abǎnna bhǎi."
Clara: „Eduard, dhagghi' mon ngakan djhǎ' ḍoes-toḍoes, jǎl"
Eduard: „Neng-enneng bhăi ella, endjǎ', sèngko' amellakan so ba'na."
Clara : „La tantona, sabǎb bắ'na atowaan, akowatan, aradjǎ'ăn so sèngko'. Ongghoe bhǎ' bărǎmpa omorra bă'na satèja?"
Eduard: „Ghi ta' bǎlloebellǎs taon, dhăddhi sengko' ghi' ta' dhibǎsa."
Clara: „ljǎ, nangèng bǎ'na radjǎna la para' padă'ǎ so towan Heatherstone."
Eduard: „Ngara bhǎi, naddjhăn katjèka ijǎ ta' saapa."
Clara: „Majoe djhǎ' ngakana, rèja' towan la ḍǎ'ǎnna"."
Towan: „Ija, sèngko' kanna' rèja ngoloka bǎ'na sè ngakana."
Sarrèna è djhǎman ghapanèka ampon loemra, manabi orèng sadhǎ [1] neḍḍhǎ'ǎ, matja dhoewă dhingèn, mèlana towan Heatherstone èngghi pas maos dhoewǎ. Samarèna aḍha'ăr, towan Heatherstone mèjos ḍǎ' kantoranna; Eduard èntar ka Oswald, aḍon-djanḍon parkara bhoeroes sareng orèng abhǎbhoeroe.
- ↑ bhǎkal
