36
Oswald: „Sèngko' satèja rèpot, sabǎb sakabbhinna pangghǎbǎjǎnna
gǎ-padjagana alas ètompo'aghi ka sèngko', amarghǎ rèng-orèng djǎrèja
taḍa' sèttonga sè tao ka pangghǎbǎjǎnna, abhǎbhoeroe ijă ta' tao, ma'loem
djhǎ' rèng paḍǎ afkiranna sarḍăḍoe. Towan ijă aḍbăboe ka sèngko',
djhǎ' bǎ'na bila la bădă ḍijǎ, èdhika'aghiǎ abhǎbhoeroe abhǎreng
sèngko', sopadjǎ towan ta' kongsèa kakorangan dhăghing; dhǎddhi
bǎ'na endjǎ' ta' èpanolèsa sendheng."
Eduard:„Senneng ongghoe manabi sapanèka. Sè dar-njanḍǎr è tèmbo' èngghǎrowa Corbould. èngghi?"
Oswald: „lja, dhǎboena dokter, abǎ'na mastè tèppang saomorra; tanto ghi' sake' atè ka bǎ'na: nangèng ta' dhăddhi apa, sabǎb abǎ'na la para' èoesira bi' towan, ijǎ amarghǎ tèngkana sè djhoebǎ'."
Saamponna marè asa-gessa, Eduard pas abăli ka dhǎlema towan, mangghi teḍḍhǎ'ǎn ampon èsadjhi, amarghǎ è kala ghapanèka ampon malem. Sareng marè aḍhǎ'ǎr. towan ghi' asa gessa sareng Eduard abiddhǎ ra-kèra satengnga eddjhăm, saamponna pas asarè. Eduard engghi pas tèḍoeng.
Kalagghoeǎnnèpon saamponna marè asarapan, Eduard palèman. Sarrèna djhǎrǎnna ètjongklang saos, ta' abit Eduard ampon nattol ka tjompo'na. Abǎ'na pas akandhǎ ka alè'na djhǎ' ampon dhǎddhi sèkretaris. Humphrey saklangkong pèrakka, mèreng Eduard sè poron adjhǎlǎnè pangghǎbǎjǎn sè èparèngè towan Kobǎsa; namong Alice sareng Edith sè semmo sossa, amarghǎ onèng, djhǎ' apèsa'a sareng trètanna. Kalagghoeǎnnèpon Eduard sareng Humphrey èntar ka Ly- mington, nompa djikarra. Humphrey ngotja': „Sèngko' mellèa embi', Eduard, mon nemmo sè wa-towa."
Eduard: „Ghăbăjă apa, boe-oboeăn sè è bengko rowa bhăi ta' la tjokop."
Humphrey: „Ta' dǎ'ijă, embi' djǎrèja ghǎmpang rabǎdhǎnna; ḍǎlem mosèm tjellep tjokop èpakanè rebbhǎ kerrèng bhǎi, dhinèng mon mosèm panas, tjoma karè alombhǎr ka alas. Bilă bănnja' boe- oboe'na njaman ghǎbǎj li-bhelliǎn."
Eduard: „Ghi ka brǎmpan arèanna rowa sèngko' ngatèla' orèng adjhoewǎl embi' tje bǎnnja'na, dǎgghi' tanja'aghi ka orèng sè andi' losmen, sè ghǎsèk mellèan dhǎghing rowa bhǎi, saellana madjoe' pas èntar ka ghǎrdjhi."
