37
Sanattolla ka Lymington, Eduard sareng Humphrey pas terros ka
losmèn ghellǎ', saamponna ladjhoe èntar ḍǎ' ghǎrdjhi, abhaḍhiǎ
angghoejjă Eduard ḍǎri laken. Ḍǎri ghika'ijǎ Eduard sareng Hump-
hrey pas èntar ka toko; Eduard mellè songko', kantjèng, dăsi sareng
laènna. Humphrey mellè pako, tokol bessè sareng sen-pessenna Alice.
Sareng ampon marè, prappa'na Eduard akes-rèngkessè bǎbellinna,
Humphrey èntar mellè embi': lakè' sèttong, binè tatello', boe-
ḍoe'na sè lakè' dǎḍoewa' sareng sè binè' sapolo mèngghi'. Saamponna.
dhăddhi arghăna, Humphrey adjhǎndjhi ḍǎ' orèng sè adjhoewǎl,
djhǎ' bhǎdhi madjǎrǎ è alas, sopadjǎ embi'na èbhǎkta'a ka'kassa
djhoeghǎn. Eduard sareng Humphrey pas palèman.
Humphrey: „Èntar ka Lymington satèja rèja bǎnnja' ongghoe abi'na pèssè, nangèng ta' dhǎddhi apa, djhǎ' rèng bădă robăna kabbhi."
Eduard: „ljǎ, nangèng ngala'aghi tang gădji saboelǎn bhǎi la pona. Ghǎrdjhi arowa asomadjă Satto ḍija. Sapa sẻ ngonèana, le, sèngko apa bǎ'na?"
Humphrey: „La dhina, ra, sèngko' bhăi sè ngonèana, karana bǎ'na para' apèsa'a so Alice bǎn Edith, bettjè' neng-enneng è beng- ko bhǎi, mè' toboek sè apol-kompol; Pablo so sèngko' èkèbǎ'ǎ mè' lè tao djhǎlǎnna ka Lymington, sopadjă laèn arè, pola sèngko' mè' ta' ngennèng èntar dhibi', ma' njaman asoro kana' djǎrèjǎ."
Eduard: „Dhoelat è bengko pas băḍă Pablo, èkennèng ro-soro, djhǎ' anoa sèngko' ta' dhǎddhi sè adhina'a bǎ'na."
Humphrey: „Maskè tadǎ'a bǎ'na so Pablo, sèngko' ijă ghi ngen- nèng alalakon; tjoma mon taḍǎ' bhǎrengnga sè sossa mon bǎḍǎ sakè' gherringnga. Sanjatana la bănnja' paparèngnga Ghoestè Alla, ta' ijǎ, Eduard, tandhǎna saddjhek pamatèna Jakob, sèngko' so bǎ'na ghi èparèngè kowat njarè èngon. Molana wǎdjib asokkor da' Ghoes- tè Alla."
Eduard: „ijǎ, lè', salaènna èngon sèngko' so bǎ'na satarètanan paḍǎ kaparèngan bǎras salamet, djărèja bhǎi la pa-bărămpa. Endjǎ', lè', maskè sèngko' enneng è dhǎǎlemma towan, tanto ghi' ngop-njongop ka bengko. Mon bǎ'na nemmo pakèboe pa-apa, sèngko' sosol. Oswald so sèngko' dhāng-kadhǎng ijă èsoroa pot-njapot kèja ka bengko, sopadjǎ taoa ḍǎ' kabǎdǎ'ǎnna bǎ'na so lè'-ale' kabbhi."
Humphrey: Sèngko' ngarep dǎtengnga bǎ'na samènggoe sakalean."
