58
Eduard: Tasegghoet dhălloe samènggoe sakalèan djrėja. Sèngko' èngettan njo'ona parmèsi ka towan sabbhăn pa'bhellǎs arè sakalèan; kèra sengko' tanto èparèngè èdhi."
Humphrey: ,,Towan djrèja, Eduard, masè tjè' ongghoeănna bărijă pangangghebbhǎ ka sèngko' satrètanan băn polè masè tjè' ghoematèna se atatolong. Molaè satèja sèngko' la amboeǎ sè nèngghǎrăn mandjhǎngan, doe apa parlona. Atorraghi bhǎi ka towan tang otja' rėja.”
Eduard: Ijă, dhina èkabălă'ă bi' sèngkoʻ.”
Ḍǎri njamanna na-kana' kaḍoewă panèka sè aḍon-djanḍon toro' djhălăn, onèng-onèng ampon èpangghi ḍăpa' ka tjompo'na. Alice ladjhoe atanja: ,,Humphrey, kamma tang bhǎnjak so ètèk?"
Humphrey tjè' matèna loppana ḍă' sen-pessenna kana' panèka; sambhittèpon: „ljă ongghoe, sèngko' tjè' loppana, nangèng djhǎ' sa-sossa parkara djǎrèja, è Satto ḍijă bă'na èmelléaghiă, sabăb ghellǎ' djikar rèja la sarat so boewădhăn. Pablo kamma?"
Alice: Ghi' băḍă è tegghăl; kabit ghellă' ghi' lagghoe Pablo so Edith sè alalakon"
Humphrey: Nasè'na apa la massa'? Mon ngakana antos dhǎlloe, sèngko ghi' ron-matorona rǎng bhărăng rèja.”
Saamponna marè ron-matoron, na'-kana' èngghărowa pas paḍă neddhă. Kalagghoèănnèpon Humphrey asareng Pablo èntar ka alas, ngambă'ă orèng se adjhoewăl embi' sè ampon asomadjă'ăn bări' èngghǎrowa. Sanattolla kalerressan orèng sè adjhoewăl embi' sareng embi'na ampon ḍăteng. Saamponna marè èbădjăr ghenna', bi'-embi' ghellă' ladjhoe èbhăkta palèman èkaḍoewǎi.
Pablo: ,,Pya, ampon ontong sampèjan, saè ongghoe embi' panèka; dhǎghingnga embi' kadhi panèka djăn-dhoedjănanna orèng Spanjol?"
Humphrey: Apa bă'na terbi'ăn Spanjol?" Pablo: Korang prèksa, tjoma naghără sè èkaonèngè kaoela ḍă'-aḍă' kadhibi' èngghi Spanjol."
Humprrey: ,,Bǎ'na apa tao ka eppa'na?" (emma'na?") Pablo: ,Bhoenten." Humphrey: ,,Apa emboe'na ta' tao atotoran ka bă'na?" Pablo: ,,Bhoenten, ka emboe' kaoelǎ éngghi ta' onèng terrang, sakèng ampon njambhăt emboe' saos." Humphrey: ,,Bărămma ḍă'-aḍă'na, bă'na mè' pas èntar ka inggris bhăi!"
