39
Pablo: „Ampon sopè, tjoma bertana orèng & tana Inggris ka'ijă tjaèpon ghămpang sadhădjăna, kadhiă: pèssè ghămpang, teddhă'ăn sareng mènoman mora. Dhăddhi è panjana kaoelă: tanto sèngko' mon molè ka Spanjol, bănnja' ollèna pèssè."
Hamphrey: ,,Apa bă'na la abit sè băḍă è Inggris?" Pablo: ,,Manabi mè' langkong mon tello taon bisaos." Hamphrey: ,,Kemma perna bă'na băḍă è Inggris so è Spanjol!"
Pablo: ,,Perna'na è Spanjol, marghǎ èka'issa ta' tjellep kadhi ka'into. Djhoeghǎ mangkèn sarrèna kaoelǎ ampon băḍă è sampèjan, kaoelă aperna'an băḍă è Inggris, teḍdhǎ toboe, ponapa polė katèḍoengan saè"
Humphrey: ,,Apa ijă reng-bhǎrengnga bă'na dhoedjăn ngètjo'an? Bă'na apa ta' tao akompolan so tja-kantjana djrèja?" Pablo: ,,Bhoenten ta' ngètjo' sapanėka, tjoma tja-kantja kaoelǎ dhoedjăn ngala'an bhǎrăngnga orèng laèn sè ta' klabăn kaonèngan ka sè ghădhoeăn. Mèlana reng-sareng kaoelǎ èdjăgă saos sareng rèng-orèng; ta' katjatora bhoeroessa saklangkong djă-radjǎna."
Humphrey: ,,Bă'na apa la tao ngètjo'?" Pablo: „Engghi, mala ghǎsék, amarghǎ manabi kaoelǎ palèman ta' abhăkta lé-ollè, ampon ta' nemmo èra, ladjhoe terros èpokol saos, dhinèng manabi èpangghi sareng orèng sè ghǎdhoeăn bhǎrăng,ampon, ka'ijă kalakoan; ta' ghembhǎ polè, pas ètokolè djhoeghăn. Dhâddhi ampon maèn kol-tokol saos."
Humphrey: ,,Molaè satèja sampè' saterrossa bettjè' amboei bhǎi bǎ'na djhâ' tjo'-ngètjo'an, sanaddjhân taḍâ'â sé nokolana bǎ'na sakalè." Pablo: Mangkèn ampon tada parlona, è tjompo' taḍǎ' nokol, teḍḍhâ toboe, sabhǎrăng-bhârǎng toboe, djhâ' sakènga kakorangan ollè dhâddhi. Sarengngan polè nona Alice sareng nona Edith ampon morok ka kaoelâ, manabi Ghoestè Alla ngokom orèng sè dhoedjǎn la'-ngala'an kadhi ghellâ'." Humphrey: Ijâ, bi' tao tako' ḍâ' Ghoestè Alla. Dhăddhi Alice so Edith la tao morok ka bǎ'na." Pablo: ,,Kaoelǎ senneng ka nona Alice, amarghǎ saotja'na panèka dhǎddhi bǎboeroeghan; tjoma non Edith kadjhâbhâ aghellâ taḍa' polè lakona. Bǎ, ampon napa'. Marèna èsaba'ǎ èka'imma èmbi' panèka. Dhiddhi'ǎ pèrakka non Edith!"
