40
BHAB SE KAPENG LEMA'
.
Humphrey: ,,Lombbar dhǎlloe è pakarangan, soro djǎgå ka Pak-aan." Pablo: ,,Tja'èpon Smoker sareng Pak-aan èbhâkta'a Eduard ka dbâlemma towan Kobǎsa. Ponapa ta' asaèan Smoker saos, Pak-aan dhigghal è tjompo'."
Humphrey: ,,ijâ, dhâlloe' dhǎgghi' èkabălăǎ kà Eduard." Kalagghoeǎnnèpon Pablo pas molaè ngowan embi'èpon ka alas sareng Pak-aan. Bâdjă lem-malem èbhakta palèman Pablo sè ngèrèngngaghi. Pak-aan sè adjăgă, sopadjå ta' tjar-mentjara. Sareng bhoeroes angghåpanèka ampon toman ngowan sareng abhǎkta palèman bi'-embi' ghella, Pablo pas ta' ro'-noro'. Sakèng ampon tomanna bhoeroes bhoe- roe sasat ta' onèng ella' sè ngowan sareng sè abhakta palèman embi❜na. È kala arè Satto Humphrey sareng Pablo pas ngonè'è angghoejjă Eduard da Lymington. Toro' djhălăn Humphrey sasat tadǎ' amboena sè dhoe-nodhvei Pablo, sopadjǎ kana' panèka ta' posanga, manabi èntar bi-dhibi'ǎn då Lymington.
Kalagghoeǎnnèpon, lerres arè Ahad, na'-kana' sè kaempa sareng Pablo èntar ka makamma Jakob, saamponna pas terros djǎr-klèndjǎr è alas, ka'-nekka'agbi sè anga-bhoenga, amarghǎ Eduard ampon bhǎkal tada'ǎ è tjompo'na. Manabi mèkkèrè sè apèsa'a sareng Eduard, na'-kana' sanget sossana sadhǎdja, djhoeghå manabi ènga da' pangghǎbǎjǎn sẻ bbǎdhi èdjhǎlǎnana, pas pèrak polè, sabab bhakal sennengnga èbingkèng arèna.
Arè Sennènna na'-kana' sè katello akes-rèngkessé dhǎndhǎnanna Eduard sè èbhâkta'a ka dhâlemma towan Kobăsa; Eduard asalènan angghoejjá sé anjar. Saam pouna pas ladjhoe pada asarapan. Alice ngotja', djha' Eduard tje' gantengnga manabi ngangghoej angg hoejjǎ sė anjar, aba'na pas émot ghi' nalékana bădă è Arnwood. Dhinèng sè ghǎ-maongghǎ. răng-bhårångnga ka djikar: Pablo. Kana' panèka ngaterra, sopadjă bădă'ǎ sè abhäkta palèman djikarra. Bboeroes sè èbhakta sareng Eduard namong Smoker, Pak-aan bhoenten.
Saamponna marè njegghă, Eduard pas njèjom tan-trètan binè'na sareng amèt ka Humphrey ladjhoe mangkat asareng Pablo. È bǎkto ghapaneka kadhi ponapa ngennessa atèna tan-trètan sè kaempa, ampon ta' kéngéng ètjatorraghi polè.
