41
Toro' djhălăn neng-è djikar pèkkèrra Eduard sapanèka: ,,Eh, doe saра sè ngèra'a, djhă' sèngko' asoebădhă so towan sè ngobăsanè alas rowa Ta' njana ta' ngèra sakalè. Băddhinna sèngko' èdjhoeroekkaghi ka djhoerăng, bărijă, so towan. Kèra sèngko' endjă'; bhender abă'na atatolong Parlemmèn, nangèng ghălina (bhăténna) badjhi', sabăb partembhănganna ta' tao èkala' sabighiă. Mandhăr pangangghebbă ka sèngko' lahir bhătèna bhălăka."
Saèstona Eduard sè poron adjhălănè pangghăbăjăn éngghăpanèka, sabagiăn radjā katarèk dări Patientia, pottrana towan Kobǎsa. Djhǎ ta' kana' ghǎpanèka, abă'na mastè matèteng ta' poron. Abǎ'na tjè' terrona sè nèngalana Patientia sabbhăn arè, amarghǎ laèn dări raddhunna robăna, kana' ghǎpanèka teppa' tèndhăk tandhoegghă sareng andhǎp asor ḍă' abǎ'na. Prappa'na Eduard kèr-pèkkèran sapanèka, Pablo. ladjhoe ngotja': „Pandjhennengngan ropaèpon masè tjè' bănnja'na sè èpèkkèrè, ponapa marghǎ sè adhigghăl dhǎlemma; ponapa ta' senneng, èngghi?"
Eduard njambhit sambi aghellǎ': ,,Tantona, Pablo, sè ta' senneng, sengko' berrǎ' sè adhina tang tan-trètan. Nangèng parkara sèngko' sè djhǎne arèja, Pablo, mandhăr dhǎddhiǎ kabhǎghoesan ka tang tan-trètan kabbhi; mon sèngko' tettep băḍă è bengko bhăi tang trètan binè' sè doewă', Alice so Edith, pas tolos ta' andi' kennalan. Opama sèngko' so Humphrey èpondhoet adjǎl lagghoe' sadoemalem, sapa sè ngarahǎdhǎna abǎ'na, djhă' sèngko' ta' andi' kennalan sé kenţel arèja bău bărǎmma'a kadhăddhiǎnna paghi'? Sèngko' sè ngondhoeri bengko rèja tjoma njarèa kennalan, sè èkennèng karobbhoei tang tan-trètan, pola mè' nemmo pakèboe. Apa djhoebǎ'na mon bărijă?"
Pablo: „Ampon tanto taḍă;-bbyă, pèkkèrra sampèjan dhǎddhi alandhangan sareng pèkker kaoelă. Tjă' kaoelă ghellă' sampèjan sakèng korang bhender pèkkèrra, mangghǎ adhina tan-trètanna, anangèng mangkèn njata, djhǎ' kaoela sè genḍeng."
Eduard: Endjă' Pablo, bă'na ta' genḍeng; njatana sèngko' kan băngal ngondhoeri tang tan-trètan, amarghă băḍă băʼna; bă'na so sèngko' satèja la èangghep tang ghǎntè, dhăddhi bă'na sè kodhoe long-nolongè Humphrey băn sẻ kodhoe adjăgă Alice so Edith.”
Pablo saklangkong bhoengana mèreng abă'na ḍălem sareng Eduard, otja'èpon: „Panḍă', anggher ghi' băḍă kaoelă, pandjhennengngan ampun djhǎ' tèr-kobătèr pa-ponapa, kaoelă tangghoeng, amarghǎ kaoelǎ
