47
Eduard: ,,Lè', sèngko' so bă'na rèja ta' ijă bhoedhoe; ta' abhăghosan parèksa dhalloe pette djrèja, bhenḍer ghoeroena (1) otja'na malèng rowa. lon la tatèla băḍă, madjoe pas krèna, băramma bhăghoessa, djhă' èbăghiă ka sapa. Bilă sèngko' la molè, èboeḍi tèngghoe pettè djrèja: mon taḍă' aral pa-apa sèngko' pa'bhellăs arè agghi' molta polè."
Humphrey: ,,Ijă ongghoe, ghăntè' mon băḍă, mon taḍǎ' ta' la karè tjonèna bhăi. Nangèng endjă', kèra sèngko' otja'na orèng sè para' matèa djǎrowa kennèng èpartjadja. Dhina lagghoe' sèngko' ngèbǎ'ă djikar, radjhăng so landue', anjata'aghiă djrèja. Madjoe, ka, djhǎ' molèa, Alice ngara la rep-areppan sè ngakana."
Sanattolla ka tjonipu'na, na'-kana' bhoeroe pas neddhǎ asareng, paḍă taḍă' ḍjhoeng toḍoesan, amarghǎ ampon kadhi orèng atrètan ongghoe. Saamponna marè neddhă, Alice, Patientia sareng Edith pas èntar ka kebbhoen bhăng-kembhăngan; Patientia terro onènga, ponapa sè korang, laèn arè pas èkèrèmana.
Sarrèna towan Heatherstone ampon adhǎboe, ḍjhă' sè katello kodhoe palèman sabelloenna sorop arè, mèlana moj-tamojja Alice. sareng Edith pas apaamètan. Sareng djhărănna ampon marè èpakè'è sadhǎdjă, se katello pas paḍă mangkat; Edith ngarep, mandhǎr Eduard, Patientia sareng Clara èngghǎlǎ èn-maèn polè.
BHĂB SÈ KAPÈNG ENNEM.
È nalèka sèttong arè prappa'na nèmor, Oswald atanja ka Eduard: ,,Napé băr-kabăr, Eduard?" (Saddjhek Eduard dhăddhi sekretaris Oswald aobǎ 'abhǎsa engghi enten; Eduard kareppa pagghoena bisaos, nangèng èpaksa sareng Oswald ésoro endjǎ' ijă).
Eduard: ,,Taḍǎ', taḍǎ' kabhir sè parlo, tjoma djèndral Cromwell tja'na satèja mèjos ka Ierland."
Oswald: ,,Bertana orèng, Sang Radjhǎ sanonto pon băḍă è Schotland, tja'na, rèng-orèng èko'issa pon paḍă akompol sé maso'a dhǎddhi bhǎlǎ-tantrana."
Eduard: „Ongghoeǎn, Oswald Kotja' kabhăr tjè' parlona towan ma' taḍă' dhǎboena pa-apa di sèngko'."
- ↑ (1) ghoeroe lètjèk.
