48
Oswald; ,,Molana towan ta’ aboedhăboe pè-napè ka dhika tako’ dhika pas terro maso’a sarḍăḍoe sakalè, sarrèna towan pon ngaghăli ḍă’ ngen-angenna dhika,”
Eduard: ,,Ella, sèngko’ atanja’a bhăi ka towan; mon lakar ongghoen Sang Nadjhi la baḍă é Schotland sèngko’ mastè dhăddhi bhălăna Sang Radjhă kèja.”
Oswald: ,,Lakar ongghoen ongghoe kabăr ghăniko, Eduard| Mala Parlemmèn sanonto aparènta ka Cromwell merrangè bhălă Schotland.”
Eduard: ,,Pya, robăna bă’na terro madjhăghă’ă sennengnga tang alè; elloe’, ka' sèngko’ njabisa ka towan bhăi,”
Eduard pas lebbhoe ka kantoranna towan Kobisa. Towan sareng ngolats Eduard mowana semmo ma’ar, pas. marèksa: ,,Eduard, arapa bă’na satèja abăsanna mè’ pas bănnèan so sabbhănna bhăi, apa bă’na la ngèḍing berta?”
,,Engghi ampon; namong bhădhăn kaoelă semmo tamagghă, èpakala Oswald mèreng kaaḍă',”
,,Kabhăr djarèja lakar parlo ongghoe, Eduard; nangèng, todjoe’,ra, dhălloe, madjoe djhă’ abhăk-rembhaghă parkara djirèja.”’ Eduard pas todjoe’. Towan adhăboe polè: ,,Sèngko’ ijă la ngèra kèja, djhă’ bă’na tanto terro maso'a dhăddhi bhălăna Sang Radjhă.”
,,Lakar èkahadjhăt molaè ghi'.dhingèn, bhădhăn-kaoelé ta’ lèng-ngalènga ka pandjhennengngan.” .
,,Parkara djreja sèngko’ la partjadjă, nangèng kènga’è, kawăjibbănna bă’na sè palèng nomer sèttong, ijă arèja adjagă tan-trètanna bă’na, ontong kalèrra baḍă è bă’na. Laèn ḍări djarèja, mon bă’na njèngghă ḍări ḍinna’, ta’ klabăn băḍă marghina pa-apa, bhă'barămma otja’na rèng-orèng; la tanto bhăkal merrèa ka sèngko’, sabăb sèngko’ malako orèng sè atatolong Sang Radjhă. Sèngko’ sakèng ta’ tja’-ngotja’ bhăi ka bă’na, Eduard. Sanjatana sèngko’ lambă’ la ta’ èkanjamanè oreng, amarghă sé alabinnaghi Sang Radjhă so orèng-orèng laènna sè paḍă èokoma patè; kadjhăbhă djărèja ji badd hal laén-laén polè, Djărèja marghăna séngko’ kan ta’ tja’-ngotja’ ka bă'na. Kalamon séngko’ atotoran Ja tanto njossaè ka sèngko' so ka bă’na, batja bhăi sorat rèja, mé'tao ka èssèna,”
Saamponoa marè adhăboe sapanèka towan pas mareèngngaghi sorat datello’ ka Eduard èdhika’aghi bătja, Dhinèng maksotta sorat sapanèka;
