49
Mt-soebăddha Sang Radjhă sè băḍă è Inggris paḍă nèmbhăng, djhǎ' mangkèn ghi' bannè bǎktona, manabi alabǎna ka Parlemmèn, amarghă rèng-orèng è Schotland saèstona bănnja' sè ta' senneng ḍǎ' Sang Radjhă; dhǎddhi manabi ghi' èlastarèaghia aperrang sareng Parlemmèn, ampon tanto Sang Radjha kaasoran, sè onggoel ta' boeroeng Cromwell. Panapa polè rèng-orèng è Inggris sẻ pață atatolonga ka Sang Radjhă ta' ngennèng akompol è Schotland.
Saamponna sorat marè èbătja sareng Eduard, ladjhoe èsabă polè è mèdjă. Towan aḍhăboe sambi kasokan: „,Djhǎ sakėnga bǎ'na ta' lakar éangghebbhǎ orèng sorang so sèngko', sèngko' kadhik pas băngala asoro matja sorat arèja ka ba'na. Nangéng ijă ta' manglo sé pandǎtǎ pèkkèrra, djhǎ' rèng bă'na ghi' kaètong kana' ngoḍǎ." Eduard:,,Bhadhǎn-kaoelǎ mator saèboe saklangkong èparèngé èdhi matja sorat ghella'; parkara rosèja ka'into ta' kèra taboekka', ḍă' sasèra'a bisaos."
„Ijǎ, bǎ'na bi' partjadja ka sèngko' băn ka tang băt-soebăt laènnja!" ,,Molaè mangkèn, towan, bhǎdhăn-kaoelă passra ḍă' pandjhennengngan, pandjhennengngan langkong ngaghăli ḍă' panapa sè kèra andhăddhiăghi kasaèan ḍă' bhădhǎn-kaoelǎ satrètan."
,,Băn polè, Eduard, endja' bănnè bă'na so sèngko' bhǎi sè ngarep djhoemennengnga Sang Radjhă, aghǎntè kalongghoeǎnna Sang Radjhǎ marhoem, nangèng aèboeăn orèng sé andi' karep bǎrijă. La antos bhai, bi' sabbbăr; endja rassa sèngko' tada' boeroengnga Sang Radjhă mastè djhoemenneng polè; mon ghi satėja, Eduard, ghi bănnė bǎktona. Djendral Cromwell satèja ella mangkat da' Schotland, merrangana moso sè bădă èḍissa. Kabit satėja saterrossa, pola sèngko' ngèding kabhar pa-apa, ba'na èlotorana kėja."
Eduard: „Saklangkong kaso'on, băḍǎ bellăs pandjhennengngan."
,,Ella mara, kassa' djhǎ' lăn djhălănana. Patientia so Clara tanto tè'-ḍănté'an."
Eduard pas kalowar ḍǎri kantoran, Dhǎboena towan Kobǎsa ghellǎ' ropaèpon mantjep ongghoe ḍǎ' atèna Eduard.
Katjatora Eduard saklangkong senneng atèna sé apangghǎbǎj é dhălemma towan Heatherstone. Abă'na ghăsèk èntar abhǎblioeroe ka alas asareng Oswald; sakèng bănnja'na ollèna kantos da' le-alè na èngghi mělo djhoeghăn. È nalèka mosèm katèghǎ towan Heatherstone Bareng potrana serrèng mèjos da' tjompo'na Alice, djboeghà èḍǎlem
NA'-KANA' KO'ONG KAMPA EDALEM ALAS.
