80
mosèm tjellep naniong Eduard bisaos sè lak-kalèk, toro' djhǎlăn sambi nèngghăr mandjhǎngan, ollèèpon sadjhǎgbăddhă. Patientia serrèng sarat taḍă' peggba'na sè arèm-kèrèm ḍă' Alice; sè èkèrèmmaghi kadhǎng dhăn-dhănan sè lo-parlo, kadhăng koe-boekoe, sopadjǎ kèngènga èbhǎdhi tja'-bătja'an sareng Alice sareng Edith. È nalèka ghǎpanèka Pablo ampon adjhăr matja sareng nolès. Katjatora Humphrey sareng Pablo sasat taḍă' amboena sé aghrǎdjhi kadjoe, pèkkèrra: manabi ampon mosèm panas terro abhadhiǎ tjompo'.
Para maos, manabi ghi' èmot, djhǎ' Eduard asoro Humphrey anjata'agbi bhab bǎsėjatta malèng sè ètèngghăr abǎ'na dhingèn èngghǎrowa, èngghi panèka parkara pèssè sè èbhendem è seddhi'na bhoeng kana ara sè ètappor kèlap. Sapolo arè saamponna sè adon-djandon parkara bhoeroe, Humphrey pas èntar ongghoe abhakta djikarra sareng pakakas laènnèpon sè lo-parló. Ḍări tjompo'na kana' panèka asaddjhă éntara ḍă' jompo'na Clara dhimèn; ḍări ka'issa pas terrosa ka kennengngannèpon pèssè. Sareng ampon para' nattola ka tjompo' ghella', Humphrey nèngalè orèng adon-djandon, djoe'-lodjoe' éaḍǎ'na labǎngnga tjompo' sambi paḍǎ ngossoè sanapan. Dhinèng băng-labăngnga tjompo' paḍă ațaṭṭang sadhădjă; mangka saamponna jit-majjit dhiugèn èkobhoerräghi bit chăboena towan Kobăsa, băng. labăng ghǎpanèka pada èkantjèng sarengngan sorokka bădă è dhǎlemma towan Kobǎsa. Mélana Humphrey ghetton nèngalè labǎng padǎ aboekka'. Ta' abit abǎ'na pas adjhálán rangka, njemma'è rèng-orèng ghellă', terro onènga pasèra'an sè băḍă èghika'ijă. Sareng ampon semma', kana' pauèka nèngalè Corbould. Humphrey sè njornè' klabǎn ngastètè, tako' ame' ètèngalè, manabi kantos ètèngalè ta' boeroeng tjalaka', mangka aba'na ta' njèkep sanapan. Ta' antara abit Humphrey ladjhoe nèngalè orèng katello polè, kalowar däri tjompo' ghellä'. Sareng ampon semmo abit sè pang-napang è pangėtekkanna njornè' rèng-orèng ghella', Humphrey ladjhoe kalowar, nonton djhărănna èpalèbăt è bhǎ-rebbhăna, sopadjă monjèna djikarrǎ ta' kantosa kapèreng ḍă’ rèng-orèng ka'rowa. Sambi adjhălăn abǎ'na měkkér sapanèka:,,Corbould djárėja bertana orèng la èntar ka Londen, marèna rèja' bădă dijǎ; mmon bǎrijă abǎ'na sakèng ghi' terro malessa djhoeba' dǎ' Eduard otabǎ ka sengko' so tang tan-trètan. Laènna djrèja tanto tja-kantjana. Bărămma, apa ta' abhaghoesan mator da' towan Kobǎsa bhǎi, djhǎ' bădă pendjahat ngètek éḍinna'?"
