Humphrey: ,.Kèra sèngko’ hat-pendjahat djărèja mon sèjang masè ta’ ngampa’a kanna’, nangèng djhadjlal bă'na Pablo èntar kalowar, tèngghoe, kèbă sanapan rèja, pola mè’ bădǎ pas djhă' ghembhănè, tengghăr bhăi, bă’na pas terros boeroe kanna’?”
Pablo ladjhoe kalowar abhǎkta sanapan njasak kennengngan sè kèra kèngèng èpangètekkè orèng, nangéng ta’ mangghi pa-ponapa, mèlana aba’na pas nbǎlǎ ka Humphrey, djhă' tadǎ' orèng sèttonga.
Humphrey ngotja’: ,.Kassa’ bă’na ghă-njegghă, Pablo, mon marè, rèja’ sorat pas atorraghi ka towan Kobăsa, bă’na nompa’ djhărăn, mè' lekkas. Apa sè ta’ kasebbhoet ḍălem sorat rèja, dhibi’na bhăi mator lèsan ka towan. Kèdi' lem-malem bă’na pamolèna pas abhăreng so gă-padjăgăna alas.”
Saaponna Poblo marè asarapan, pas bhă-ngabbhăi djhărănna, dhinèng Humphrey ghi' nolés soratta. Sareng ampon maré, Pablo ladjhoe mangkat, djhărănna ètjongklang bisaos. Katjatora Humphrey sé aloghoe tjompo'na ta’ yottjol ḍări sanapanna, bhoeroessa sé ḍoèwă'” ta’ ebăghi ondhoerăn ḍări Seddhi’na. Saklangkong ngastètèna kana’ panèka sè adjăgă ḍătengnga mosona, Dhinèng bhoeroessa éngghăpanèka manabi nèngalè băng-rabănganna orèng maso’ ka pakarangannèpon, ladjhoe aghăoeng. Sareng awpon para’ rop-sorop arè tjompo’na èkan- tjèng èparapet kadhi sé ampon sarta Humphrey ngarep, moghă-moghă Pablo sareng gă-padjăgăna alas èngghălă dăteng. Ta' abit, sareng arè ampon tjompet, Pablo ḍăteng kadhibi’, abhăkta sorat. Monjèna sorat njebbhoellaghi, manabi mangkèn pokol sapolo malem Eduard asarengnga gă-padjăgăna alas laènnèpon bhăḍhi ḍătengnga, nolungana Humphrey.
Humphrey sareng Pablo djoe’-todjoe’ é romana sambi matja boekoe, ngantos ḍătengnga Eduard. Ta’ antara abit kana’ sè kaḍoewă panèka pas mèreng bhoeroessa aghăoeng sambi boe-namboe ka labăngnga; sareng lorana èlarang, sopadjă amboeă d sè aghăoeng, djhoeghă ta’ poron amboe. Ta’ abit Humphrey mèreng orèng lok- olokan, mènta buekka’è labăng, terro ngamponga tèḍoeng, amarghă kamalemman è djhalan. Sarrèna ghi’ ta’ pokol sapolo, sarta sowarana bānnè sowarana Eduard, dhăddhi Humphrey njatet djba’ orèng sè mènta boekka’è labăng ghăpanèka la-doersila ka’rowa. Hamphrey njaot: ,,Boelă ta’ tao saeddjhegghă mokka’é labăng orèng, mon empon bădjă nonto; ko’assa’ njarè ponḍhoeghăn laén bhăi.”
