16
ghi panèka ta' adhingghǎlǎ tan-trètanna, sabelloenna Jakob palè-a' soropa arè, sè kaempa ladjhoe paḍă mangkat ḍǎri padhǎlemman Arnwood. Ta' abit, teppa'na na'-kana' sè kaempa ghi' bhoeroe kalowar ḍǎri labǎng radjǎna padhǎlemman, ladjhoe èsalèp Benjamin, sè èpakon mènta tolong ḍǎ' Lymington. Djhărăona ètompa' ḍoewǎ sareng Martha. Martha sambi negghoe' tel-bhoentel, radjǎna para' paḍǎ'ǎ sareng radjǎna orèngnga.
Alice pas atanja: „Kamma'a Martha rowa? Abǎ'na lagghoe' bhǎ' kanna'a polè, mon sèngko' la molè?”
Eduard neng-enneng bisaos; ta' abit Humphrey pas ngotja': „Tel- bhoentel sè èprangko Martha rowa aèssè ghoej-angghoejjǎ."
Jakob samarèna ngater na'-kana' sè kaempa pas abǎli polè, èntar ḍǎ' Agatha. È bǎkto angghǎpanèka dhi-abdhi binè' prappa'na èmo' sè akes-rèngkes, sabǎb bhǎdhi ondhoeră ḍări padhǎlemman.
Jakob pas atanja ḍǎ' Agatha: „Apa bǎ'na la marè njabis ḍǎ' njonja?”
Saotta Agatha: „Ella.”
Jakob atanja polè: Apa dhǎboena njonja?"
Agatha: „Dhǎboena ta' aghindjhegghǎna dări kamarra, sarta sèngko' èpakon aladhinè èḍǎlem, parlona mon moso la ḍǎteng, ma' katon kaaghoengan bǎn kaṛadjǎ’ǎnna njonja. Pola njonja bi' sèngko' ta' èma-pabǎrămma bi' doe-sardădoena Parlemmèn djǎrèja?"
Jakob atanja polè: „Benjamin bilă sẻ ḍǎtengnga?"
Agatha: „Kèra sèngko' abǎ'na masè ta' dhoeliă abǎli, sabǎb bekkassa ka sẻngko', ghi' anjata'aghiă ghalloe, apa bertana bǎ'na ghellǎ' rowa bhender apa endjǎ'; Martha ijă noro' sakalè."
Jakob ngotja: „Agatha, djhădjhǎl ra, atorraghi ka njonja, sèngko' njabisǎ kowa, băḍă sè èatorraghiă polè; sèngko' tje' kobǎtèrra, tako' doe-sardădoe rowa saḍǎtengnga kanna' mè' pas ta' nampèk, ta' tao sapa; molana salè ollè sèngko' ngoghoenga bhăi, sampẻ' njonja kasokan kalowar ḍări ḍinna'."
Agatha njambhit: „Djhoe tao, Jakob, sèngko' ta' matora, sabǎb ella malem, sèngko' agher mangkata." Jakob: „Bǎ'na kamma'a?" Agatha: „Sèngko' èntara ka Suze Alwood, djhǎoena ḍǎri ḍijă ra-kèra bǎḍǎ pardjhǎlǎnan satengnga djhăm; arèja tang tel-bhoentel sè èkèbǎ'ǎ."
Jakob: „Agatha, anggher bă'na ghellem matorraghi ka njonja bhǎi, sèngko pas noroa bă'na, ngèbă'ăghiǎ bǎn ghibănna djrèja.”
