nototta, Sareng Pablo djhârân ghâpanèka èbhâdhiâ lompa’an. Bâktona kabidhân ètompa’ adjheng-ghoedjbeng, ta’ poron adjhâlân sakalè, mala Pablo para’ ebhântengngaghiâ ka tana; sè èadjhâri kantos badâ tello boelân, se pas ta’ aka-tèngka pole.
Katjatora è bâkto ghâpanèka sasat tadâ’ orèng sè kèngeng kalowar dâri tjompo’na, amarghâ dâri bânja’na saldjoe. è kala sèttong arè towan Kobâsa narèma sorat, njebbhoettaghi, manabi Sang Radjhâ makon mapolong bhâlâ sè è nagârâ Bâlândhâ sareng sè è Schotland, badhi èpamangkata dâ’ lao’. Manabi ampon akompol, ta’ bhoenten polè, rèng-orèng Inggris sè atatolong Sang Radjhâ mastè kalowar djhoeghâ.
Towan Kobâsa adhâbhoe ka Eduard: ,.Eduard, salèja pèndhânan bâdâ areppanna Sang Radjhâ sè abâliâ djhoemenneng pole. Sarrèna bâ’na je’ addbrengnga sè ngabdhiâ dâ’ Sang Radjhâ, sèngko’ ta’ alanglanga mon bâ’na maso’a dhâddhi bhâlâna. È matèna mosèm tjellep rèja, ba’na so sèngko’ e soroa èntar ka Londen, mè’ ollè anjata’aghi dhibi’ bârâmma kabâda’ânna bhâlâ-tantrana Sang Radjhâ.”
Saamponna marè aboe-dhâboe sapanèka, ta’ abit pas bâdâ otosan dhâri Londen,abhâkta sorat dâ’ towan Heatherstone. Sorat èngghâ paneka njebbhoettaghi, manabi Sang Radjha Karel ampon djloemen-neng polè Schotland. Towan Heatherstone adhâboe polè dâ’ Eduard: ,,Sorat arèja dâri tang èpar Ashley Cooper, njebbhoettaghi djhâ’ bhalâ-tantrana Sang Radjhâ Ja sadijâ kabbhi. Sè mangkala ka paperrangan, èkapalaè David Lesley. Dhinèng sè dâdddhi pangradjâna bhâlâ djhdrènan Middleton; Wemyss dhâddhi pangadâ’na bâlâ mrèjemman. Wemyss râja pènter, tjoma èmanna ta’ èsto ongghoe da’ Sang Radjhâ marhoem; mandhâr ka sè satèja rèja aba’na èstoa ongghoe, Lagghoena ba’na èsoroa èntar’ ka Londen, ngèba tang rat-sorat da’ tang bât-soebât èdissa, sopadjâ bâ’na e todhoenna lân-djhâlan sè bhâghoes. Bilâ bâ’na la atemmo so tang kennalan djrèja, dja’ barâmma otja’na sèngko’ kabâri; dhina Sampson mè’ noro’ bâ’na, Sabârijâ kèja mon ta’ parlo noro’ terros, soro abâli ghân Londen bhâi, parkara rdja la bârâimma tja’na bâ’na. Sènga’ lagghoe’ la akes-rèngkes, ja, pas mangkat.”
,, èngghi, towan,” ,,Bâ’na la ta’ sempat mole amet dhâlloe,”
