Eduard: ,,ljâ, lakar gem-agemmanna Kornèl Beverley; aksara djâreja asmana Kornèl.”
Patientia: ,Marèna ta’ loberrâ’ dhalloe’ bâ’na nganggboejè peddhang rèja? Sambhi’ânna apa parlona èghibâ ka Londen.”
Eduard; ,,Peḍḍhâng rèja ta’ ollè tapèsa bân sèngko’, sè kaaghoengan rèja bilân ngadjâp sèngko’ èpanoro’a perrang. Emanna se kaaghoengan la sèdhâ”
Patientia mèreng otja’na Eduard sapanèka, pas ta’ tja’-ngotja’ polè; ta’ abit Clara lebbhoe ka kamarra Eduard abhâkta djhâroem sareng bola, adjhâi’â ghoej-angghoejâ Eduard sè ḍhâ-bheḍḍâ. Eduard ladjhoe kalowar, èntar ka Oswald. Saamponna marè parlona, Eduard ladjhoe abâli polè,
Towan Heatherstone saamponna marè njerral, asta’anna pas èparèngngaghi ḍâ’ Eduard. Laèn ḍâri ghâpanèka towan njangoè pèssè sakampèl sarta aparèng pètodhoe kadhi panapa adhâttèpon orèng è Londen, sareng angghoej ponapa sè mostè èangghoej. Towan Kobâsa adhâboe: ,,Mon bâ’na la mangkat ḍâri Londen, ta’ osa akèrèm sorat ka sèngko’, sâbab parkara djârèja tje’ bhâbhâdjâna mongghoe ka bâ’na bân ka sengko’, Ella man bârija bhâi: mon Sampson molè, djirèja nandhâ’aghi djha’ bâ’na la mangkat.”
Saamponna marè nampanè ḍhâboe, Eduard pas lebbhoe ka kamarra, ngrèngkessè rat-sorat sareng pèssè sangona èsâbâ’ e ḍâlem koperra; saamponna pas teḍoeng.
Kalagghoeânnèpon ghi’ rèbeng Eduard ampon djhâghâ, pas kalowar dari kamarra adjhâlân nètteng on-laonan, saddjhâna sopadjâ tadâ’â orèng ngeḍing; djhoeghâ kamarra Patientia ampon èpangghi tèra’, sâbâb kana’ panèka ngèḍing kaadâ’. Eduard kareppa tja’-ugotja’a, djhoeghâ ampon èdhingène sareng Patientia, otja’na: ,,Sèngko’ kan djhâghâ ghi’ malem, Eduard, polana terro ngo-njangoana dâ’ bâ’na. Bhârângnga nè’-kenè’, endjâ’ ta’ berrâ’ saria ta’ malarat ghibâ’ânna.” (Patientia pas adjhoeloeâghi boekoe ‘nè’-kènè’), ,,Maskè ba’na ta’ lèboer ka èssèna, bâtja, jâ!, mon noddjhoenè ḍâ’-taḍâ’ lako,”
Eduard: ,,Saklangkong, Patientia, sèngko’ lakar lèboer matja’an boekoe, apa polè boekoe bhâbherri’na bâ’na; mon sengko’ mokka’ Boekoe rèja tanto pas ènga’ ka bi’na,”
Patientia: Ta’ parlo ngènga’è sèngko’, Eduard, èssèna sè parlo,”
