Langton: ,, Èngghi, ango'an bi-dhibi’ân bhâi. Empon, ko’assa dja’ mangkala, mandhâr èparèngana salamet, Nangèng sengâ’, lâ, djhâ’ dâs-gâroedoes, bi’ tè-ngatè. Pola mè’ bâḍâ oreng noro’a dhika, djhâ’ tangghâ’, sanaddjhân otja’na paè’ maddhoe. Napè dhika njèkep pèstol?”
Eduard ; ,,Èngghi, bâḍâ ḍoe bigghi’, tèlas kaaghoengannèpon majoer Radeliffe, se sedhâ èkanejadjâ rèng-orèng djahat èngghârowa.”
Langton: ,,0, lakar pèstol bhâghoes ghânèko, sarta polè Radcliffe lakar omessan ḍâ’ ḍi-’anḍi-na. Empon, naḍḍhâ paḍâ salamet.”
Saamponna mare atabi’ sareng towan Langton, Eduard pas kalowar ḍâri ghika‘ijâ.
BHAB SÈ KAPÈNG BALLOE’.
Mèlana Eduard èpakon èngghâl mankat ḍâ’ ḍâdjâ sareng towan Langton, amarghâ manabi abidhiâ è Londen, bhâbhâdjâ mongglhoe ka abâ’na. Eduard ghi’ njepper ḍâ’ tjompo’na sodhâghâr sè soghi èngghârowa, amarghâ sodhâgâr panèka ampon atotoran djhâ’ bhâdhi nètèppaghiâ sorat ḍâ’ soebâddhâ sè bâḍâ è kotta York. Dhinèng sorat ghâpanèka èngghi ro’-matoro’ Eduard mè’ mangghi pakèboe.
Saamponna marè ngonè’è sorat, Eduard pas abâli ka losmènna, arèngkesse dhândhânannèpon. Sareng marè madjâr ongkos teḍḍhâ sareng èn-laènna, abâ’na pas mangkat ḍâ’ ḍâdjâ. Ta’ antara abit Eduard nattol ḍâ’ sèttong kotta anjama Burnet; sarrèna ampon ètjapo’ malem, ta’ kèngèng materros djhâlânna, ladjhoe ngènep è losmèn ghika’ija. Sanattolla ka losmèn, djhârânna pas èpalebbhoe ka gheddhoeghân sareng djongossa; Eduard terros maso’ kadâlem, mènta kamar sè bâdâ randjângnga ḍâ’ binèna tokang losmènna. Dhinèng angghoejjâ Eduard sè ghi’ dâri tjompo’na, kotljana boenter tor tèngghi, kadhi angghoejjâ kaomma Parlemmeèn; bhidhâna namong abâ ‘na ngangghoej salèmpang, sareng peddhângnga sè loros èngghârowa; djhoeghâ nambâi kagântengngannèpon. Edâlem losmèn Eduard nèngalè orèng katello, angghoejjâ ampon ḍhâlvhâl sarta mot-tjomot tjellot. Panjanana Eduard orèng ghâpantka tatto bhângsa doersila. Sè kasorang ngotja’ ka Eduard sapanèka: ,,Kaaghoenganna katètèan ka’issa masè tjè’ saèna.”
Eduard njambhit: ,,Maskèa bhâghoes èpârâmma’a.”
,,Sampèjan panapa mèjosa ḍâ’ ḍâḍ jâ?”
