Eduard: Ta’ ḍâ’ ḍâdjâ’â ta’ ḍâ’ lao’a!” (Eduard sambi adjhâlân èntar ka binena palosmènan).
Kantjana doersila njambhoenge ; ,,Pya, tjètak boengkol (1) djârèja mase tjè’ ghâtakka barija, tja (2)!”
Sambhiddhâ kantjana ; ,,Ma’loem, djhâ” rèng ghi’ ta’ tao adhâddhâ manossa! Mara sèngko’ ombhâli sabinggoel bhâi, èkerra’a kopèngnga, ma’lè koper.”
Eduard ta’ tja’-ngotja’, tjoma asandhâkep sambi mantjerreng ngabâs ka orèng sè katello bisaos; sareng robhijâna palosmènan mèreng, manabi sè katello tja’-ngotja’è Eduard, ladjhoe ngolok sè lakè’, Palosmènan pas èntar ka orèng sè katello, ngotja’ sapanèka: ,,Sampèjan djhâ’ abhâdhi roesoe èka’ijâ, mangkèn ta’ boeroeng kasta ; ampon nara èatorè kalowar bisaos.”
Orèng sè katello pas kalowar sambi angongngong.
Palosmènan ngotja’ ka Eduard; ,,Djhâ’ koelâ ta’ mèrengnga ḍâri robhijâ, tolos ta’ onèng, manabi pandjhennengngan ètja’-kotja’è orèng engghârowa; sarengngan bhâdhân-kaoelâ ta’ onèng bhâlâka, bâdjâ panapa sè maso’ ka’kanto.” .
Eduard: ,,Rassa kaoelâ orèng ka’issa bhângsana rèng mella’an malem.”
,,Manabi èngghi; bâkto mangkèn e kotta ka’ijâ bânnja’ orèng mantja. Pandjhennengngan panapa ta’ abhâkta sèkep bânnèan pole laènna peḍḍhâng ka’into,”
Eduard pas nodhoeâghi pestolla sambi ngotja’: ,,engghi bâḍâ, panèka.” .
,,Panapa ta’ kasokan monḍhoet ḍhâ’âr?”
Eduard: ,, èngghi, kaoelâ lakar ampon tjè’ laparra, njo’ona anggoerrâ sabboetol,”
Saamponna marè neḍḍhâ, Eduard pas tèḍoeng.
Kalagghoeânnèpon Eduard pas èntar ka gheḍḍhoeghân nèngalè djhârânna. Eghika’ijâ abâ’na nèngalè orèng sè katello bâri’ èngghârowa.
Saamponna marè njegghâ, Eduard pas ngèssè’è pèstolla; teppa’na lang-nèlang pèstolla abâ’na ètjornè’ sareng orèng ghellâ’ ḍari djanè-lana. Abâ’na onèng, djhâ’ bâḍâ orèng ngo’-tjongngo’an, pas ngotja’: ,,Apana katek ngo’-tjongngo’an, kanna’ lebbhoe, mon terro taoa kandhel ta’ kandhellâ kolè’na!”
