,,Nara reng-sareng bisaos, mè’ ollè long-tènolong, pola sala sèttong mangghi pokpara polè è lân-djhâlân.”
Eduard senneng pekkèrra ollè sareng pantka, amarghâ katèngallèpon alos bhoèddhina, sarengngan anḍhâp asor. Dhinèng omorra re-kèra bâdâ ḍoelèkor taon, angghoejjâ saè, kottjana goendjir, nambâi gântengnga abâ’na. Toro’ djhâlân orèng kaḍoewâ èngghâpanèka taḍâ’ peggbâ’na sè asa-gessa, sabâb padâ ghi’ bhoeroe kennal. Bâdjâ bheddhoek sè kadoewâ nattol ḍâ’ sèttong dhisa, ladjhoe amboe neddhai djhârânna. Orèng ghâpaneka ngotja’, djhâ’ ta’ njèmpanga ḍâ’ kotta St. Albans olaba ḍâ’ kotta laènnèpon sè mè-rammè, amarghâ tako’ èpa-sapa orèng. Abâ’na ngadjhâk Eduard lebât djhâlân sèrangan sabâb soboeng sarengngan apandâ’ân. Kantjana Eduard ghâpanèka onèng da’ ka’-lekkè’na lân-djhâlân èghika’ijâ. Eduard bhoenga, amarghâ bhâdhi èngghâlâ nattol dâ’ York. Sareng ampon malem orèng sè kadoewâ pas pâḍâ ngènep e losmèn nè’-kène’, sè ta’ patè bannja’ tamojja. Lerres è losmèn èngghâpanèka sè kadoewâ ta’ mangghi teddhâ’ân sè saè, djhoeghâ senneng, marghi soboengnga; abâ’na paḍâ ta’ kobâter ènja-lanjaè orèng.
Orèng kaḍoewâ panèka sadjânè ngangghep sè asasoebâdhân sarta pas tadâ’ djhoeng todoesan polè, Ta’ abit kantjana Eduard ngotja’ (toro’ djhâlân orèng kaḍoewâ panèka padâ atotoran pasèra njamana): ,,Armitage, manabi dhâddhi kasokanna, njara kaoelâ sareng sampèjan angghep orèng sorang saos, Torè kaoelâ malora panapa nèjat kaoelâ sè èntara ḍâ’ ḍâdjâ, pandjhennengngan èngghi njara sapanèka djhoeghâ. Manabi nèngalè ghem-aghemmanna sampèjan ropaèpon noro’ orèng sè ta’ ekasennengngè kaoelâ, djhoeghâ ghem-aghemman bhoeroe ta’ alakè sareng boe-ḍhâboeânna sampèjan, panapa polè sareng sadjâ’na salèra. Njara kasokanna bisaos pandjhennengngan atatolonga pasèra. Bhoenten, Eduard, kaoelâ ta’ kèra ka’-mokka’ rosèjana sampèjan, krana kaoelâ ampon kaprotangen sanget dâ’ sampèjan; kaoelâ odi’ sasat sampejan sè aparèng njabâ.”
Eduard njambhit: ,,Chaloner, saèstona kaoelâ se apangangghoej kadhi panèka dâri kapaksa, bhoenten ta’ ḍâri karep kaoelâ dhibi’.”
Chaloner; ,,Tjotjok sareng pangèra bhâdhân-kaoelâ, Kaoelâ ampon ngartè djhoeghâ, djha’ kasokanna sampèjan sè mèjos dâ’ dâdjâ, bhâdhi... . atatolonga ka Sang Radjhâ èdâlem paperrangan, Manabi lerres kadhi ator kaoelâ ghi’ bhoeroe, nara, asareng kaoelâ ḍâ’
