Bădjă tengnga malem Eduard sareng Chaloner nattol ḍă’ dhălemma njonja Portlake. Njonja sè kaḍoewă saklangkong bhoengana nèngalè Chaloner ḍăteng, sabăb ampon ta’ pegghă’ sè rep-ngarep bisaos. Chaloner pas akanḍhă: ,,Pya, ella, djhă’ taḍă’ă tang trètan arèja, ta’ boeroeng sèngko’ nemmo kabhlăi radjă. Arèja ghoe ta’ pottrana Kornèl Beverley, sè sèdhă abhăreng so rama è paperrangan è Naseby. Ta’ rèja sè èsangka rèng-orèng malè katonon è padhălemman Arnwood. Bhenḍer abă’na apanpangghoej mara rèja, nangèng tjoma èghăbăj lèng-alèng ḍă’ orèng bănnja’ bhăi, sanjatana abă’na paḍă mauteppa so sèngko’ ka Sang Radjhă.”
Kaljatora nja-njonja èngghărowa saghoenong rassana atèna mèreng kanḍhăna Chalouer bhoeroe, kaboelăna pas èpakon asaḍijă ḍhă’ăr.
Chaloner ngotja’ ka Eduard: ,,Ampon dhigghăl dja’ pot-rèpot, dhibi’ parkara katèlèanna, ampon tanto băḍă sè malerres.”
Saamponna Chaloner atanja ḍă’ nja-njonja èngghărowa: ,,Bhă’ baḍă’ă rat-sorat ka sèngko’!”
Djăwăbbhă: ,,Bănnja’, nangèng dhina, ra, mara ngakan ghălloe.”
Craloner: ,,Endjă’, dhina, kanna’ èbătja’a salèja bhăi, dhăgghi’ sambi ngakan, njaman abhăk-rembhăk.”
Njonja kasorang ladjhoe ngala’ rat-sorat; saamponna pas èbăghi ka Chaloner sarta pas èbătja; sareng ampon totok, ladjhoe èdjhoeloeăghi ka Eduard, sopadjă onènga èssèna djhoeghă. Rat-sorat èngghănèka bădā sè ḍări Djèndral Middleton, băḍă djhoeghăn sè ḍări băt-soebăd- dhă, sè ampon băḍă èlengnga paperrangan, Monjèna rat-sorat èng-ghănèka njarèta’aghi bhăb kabăḍă’ănnèpon bhălăna Sang Radjhă sareng panyorèpannèpon
Chaloner ngotja’ ka Eduard: ..Mangkèn bhălă karadjhă’ăn ampon molaè ngangsek, mala ampon băḍă èautarana Londen sareng bhălăna Cromwell, Manabi terros sapanèka tanto Cromwell ghimeng. Bhălă karadjhă’ăn mangkèn ampon kèngèng narèma rèng-orèng Inggris, sèporon alatolong ḍă’ Sang Radjhă; dhăddhi ampon tanto bhălă karadjhă‘ăn sabbhăn arè sadjănè atambă bănnja’ bisaos, dhăddhi mastè laugkong kowat ḍări bhălăna Parlemmèn, Manabi terros sapanèka, bhălă karadjhă'ăn masè oenggoelă perrangnga. Mangkèu Sang Radjhă awpon akonkonan nèmbhăli graaf Derby ḍă’ polo Man; ollè dhăddhi lagghoe’ ampon raboe.”
Eduard: ,.Bhălă karadjhă'ăn mangkèn băḍă’ èka’imma ?”
