Sang Redjhă ngandhika : ,,0, engghi, boelă ghi' ènga’ ḍă' eppa’na; lakar bangalan sarta sattya tochoe tor teptep mantep pangaboelăna, Patèna marentek atè boelă. Nangèng ana’na nèko kèra boelă engghi ngola’ ka eppa’na.” Sang Radjhă ladjhoe marèngnaghi astana ḍă Chaloner, Chaloner pas aḍhekkong, njongkem ka astana Sang Radjhă.
Middleton ; ,,Mangkèn, ghoestè, kaboelă’-dhălem njongsong alor pola, sè ampon tanto bhăḍhi maghetton pangghăliăn djoenan-dbălem ; ka’ḍinto ana’èpon Kornèl Beverley sè srèjang, sè èxana orèng male katonon asareng padhălemman è Arnwood,”
Sang Radjhă myarsa atorra Djèndral sapanèka, maghăk sakeddjhă’, pas ngandhika: ,,Ḍoe, băddhinna! Boelă engghi myarsa kèja, djhă’ ana’na Kornèl Beverley kabbhi paḍă matè èkello’ apoj, nalèka padhălemman è Arnwood èobbhăr rèng dhoedjhăna. Mon bărinto bhănget boelă asokkor, sabăb Kornèl Beverley nèko ghi' băḍăna mantep ongghoe paugaboelăna, Saghoenong, tjong, bhoengana tang atè, ngatèla’ dhibi’na ghi’ odi’, mandhăr terrosa èparèngè salamet. Dhina, ba’na djbă’ noro’ ka tengnga, ngèrèng sèngko’ bhăi.”
Eduard pas adhekkong, njongkem ka astana Sang. Radjhă. Sang Radjhă ngandhika polè: ,,Mara bă’na satèja ngolja’: bă’na terro dhăddhiă opa? Mara atorraghi ka sèngko’, băn sèngko’ ta’ èsèlaka, mènangka tang panarèma ḍă’ eppa'na bă’na.”
Eduard mator: ,,Ghoestè, Pèjan-dhălem Rato, mogha èlèllanana kaboeli-dhălem ngèrèng adjoenan-dhălem, sopadjă kaboelă-dhălem kèngènga ngapènge djoenan-dhălem, bakto djoenan-dhălem mangghi pokpara; panjo’on abuhi-dhălem sèjang arè malem, moghă-moghă abdhi-dhălem kèngènga kabhăḍhi tamèng ḍăḍăèpon adjoenan-dhălem,Ghoestè,”
Sang Radjhă: ,.Djărèja lakar tja’-otja’anna Beverley. Senga’, Mid-dleton, torotè napè panjo’unna Eduard nèko.”
Chaloner sareng Eduard pas èdhika’aghi njorot; dhinèng Djèndral Middleton ghi’ ngantos ḍhăboe. Saamponna Djèndral narèma ḍhăboe ḍări Sang Radjhă, pas kalowar, aparèng onèng ka Euard; ,,Eduard, bit ḍhăboena Sampèjan-dhălem Radjhă, dhika sanonto èangkat dhăddhi kaptènna bhălă djhărănan ngèras pangapèngnga Sang Radjhă. Parkara pakèanna băn bhărăng kaparloan laènna, ollè dhika mèntaka Chaloner. Pangkat ghănèko mènangka tanḍhă kaèstoanna Sang Radjă ka eppa’na Dbika ta’ engghi pon leppè’ nompa’ djhărăn?
