Sènga’, pon paranta bhăi pèn-napènna, sabăb lagghoe bhălă ko’into mangkata ḍă' Warrington terros ka Chestershire.”
Eduard mator pètanja:,,Bhălă-lantraèpon Parlemmèn mangkèn băḍă èka’imma?”
Middleton: ,,Bhălă ghănèko mangkata ḍări York ka Londen. Robăna mase ugadḍhănga bhălă koijă. Pon ḍer-pabhenḍer èko’ijă, boelă ghi’ rèpot.”
Kalagghoeănnèpon sareng bhălă ampon pekpek sadhădjă pas mangkat. Saḍhă para’ nattola ka Warrington bhălă panèka ladjhoe apangghi sareng moso, mèlana pas ajampo perrang kantos bhălăna Parlemmèn kaasoran; kadjhăbhă sè ampon matè, laènnèpon paḍă' boeroe abălessatan. Bhălăèpon Parlemmèn ghăpanèka èkapalaè Djèndral Lambert sè ampon kaonang kabăngalan sareng kapènterrannèpon. Kasokanna Djèndral bhoeroe bhoenten ta’ aperranga ongghocăn kantos dhăddhi lang patèn, namong dhăng-ngaḍḍhănga moso, èsopprè losona saos. Saamponna tètèla, djha’ maksottèpon moso kadhi bhoeroe graaf Derby sareng dral-djèndral laènnèpon ladjhoe èotos ḍă’ Lanscastershire sareng ḍă’ Chester, bhăḍhi mapolonga rèng-orèng sè paḍă atatolonga ka Sang Radjhă, èpadhăddhiă bhălă-tantra sadhădjă. Sareng ampon bănnja’ orèng sè paḍă maso’, rat paperrangan pas motosè: laskar bhăḍhi èpaterrosa ka Londen; djhoeghă sarrèna è băkto èngghănèka mosèm panas, ḍoe-sarḍăḍoe paḍă lesso sadhădjă, dhăddhi ta’ èlastarèaghi.
Katjatora è Worcester orèngnga sadhădjă anot ka Sang Radjhă; mèlana sè ḍă’ Londen, pas èpotosè ka Worcester saos, parlona makompola rèng-orèng èka’issa, kaḍoekalèna ngantosa ḍătengnga bhălă ḍări Ènglan. Saamponna marè makompol bhălă, rèng-orèng sareng bhălă sè ḍări Ènglan ḍăteng ongghue; amarghă panèka ḍoe-sarḍăḍoe sareng sir-opsirra pas anga-bhoenga, ta’ mèkkèrè djhă’ bhăḍhi èsèlèpa mosona, Ta’ antara abit pas băḍă berta manabi graaf Derby ampon èsèlèp moso, teppa’na tengnga malem dhă-ngèḍḍhăna rèng-tèḍoeng, Èbă-sapanèka graaf Derby alabăn salar-kellarra, sanarè ampon taḍă’ pangareppannèpon sè mennanga. Djhoeghă bhălă karadjhă’ăn kaasoran, ḍoe-sarḍăḍoe sareng sir-opsirra bănnja’ sè matè è paperrangan; sè ghi’ oḍi’ paḍă èbhoedjoeng terros èokom patè. Graof Derby èngghi dhăddhi bhoedjoengan djhoeghăn, nangèng
