Chaloner: ,,Èngghi, djhooghă antos taḍă’na ḍoe-sarḍăḍoe panèka ḍhingèn. Mangkèn, sareng kaoelă èsoroa dhoeli njèngghă saos. È, tja-kantja, lalla dhoeli aèn-laèn ghăn wă’-ḍoewă’, kèḍi' mon bă’na ghi’ aghlimpo’a eḍijă bhăi, ta' boeroeng èkrojo’ moso polè.”
Dhinèng ḍoe sarḍăḍoe djhărănan sè èkabhăbă Grenville bănnja’èpon lèmabellăs orèng. Sareng mèreng parèntana Chaloner ghellă’, sarḍăḍoe sè lèmabellăs pas paḍă abălessatan, adjhălăn ḍă’ ḍăjă; Grenville ta’ noro’, neng-enneng sareng Eduard sareng Chaloner, Katjatora bân nja’èpon orèng sè matè è paperrangan ghellă’ ḍoebellăs orèng, èngghi panèka sè pètto’ bhălă karadjhă’ăn, lèma’na bhălăna Parlemmèn. Eduard ngotja’: ,,Torè angghoejjă bhălăna Parlemmèn sè matè panèka djhă’ èḍoettjolana sarta pas angghoej;. pakèan panèka ghăntèaghi; ghăghămanna djhoeghăn. Dhăddhi panjanana orèng kaoelă sareng sampèjan èsangghoe bhălăna Parlemmèn sè njarè’è Sang Radjhă.”
Chaloner: ,,Saè ongghoe. Torè -èngghălăn.”
Orèng sè katello pas paḍă nottjolè angghoejjă bhălăna Parlemmèn sè matè sèttong èbăng, Saamponna marè èangghoej, sareng abhetbhet orèng sè loka ladjhoe mangkat. Tjompet arè sè katello nattol ka sèttong kampong, pas ngènep è losmèn, Sareng marè bhoe-malehbhoe djhărănna, Chaloner ngotja’: ,,Èka'ija torè djhă’ ala’-pola’a, ma’ ta’ èsangka djhă’ bhălă karadjhă’ăn!”
Grenville njambhit: ,,Èngghi ongghoe.”
Saamponna marè ngotja’ sapanèka, Grenville pas mokol ghămella losmèn, sopadjă èngghălă ngènomè sareng neḍḍhăi djhărănna; manabi ta’ poron, bhăḍhi èkerra’a kopèngnga. Sareng sè katello maso’ ka kamar, rèng orèng sè paḍă băḍă èghika’ijă paḍă tako’; sè ghăḍhoeăn losmèn èsoro èngghăl asaḍijă ḍhă’ăr, sabăb manabi bhoenten, losmènna bhăḍhi èobbhără. Opsir sè katello panèka ta’ pegghă’ sè ghighir sareng sè tak-njentak ka orèng sè ghăḍhoeăn losmèn. Saamponna marè neḍḍhă’, orèng sè katello ghăpanèka pas ngosèr orèng sè ghăḍhoeăn losmèn lakè’ binè’ ḍări katèḍoenganna. Sè ghădhoeăn losmèn norot bisaos panapa parèntana, amarghă’ ḍări tako’na, Sareng orèngnga lakè’ bine’ ampon kalowar, sè katello pas aghăntè kate-ḍoenganna. Panjanana orèng sè ghăḍhoeăn losmèn sareng -rèng-orèng laènna, sè katello èngghănèka tanto bhălă djhărănannèpon: Parlemmèn, katara ḍări kasarra pola tèngkana. Kalegghoednnèpon ta’ klabăn madjăr sakètènga bhălăka ka orèng sè ghăḍhoeăn losmèn, sè katello
