Baktona Alice sareng Edith mateppa’ katèḍoenganna tamojja, Eduard atotoran ka Humphrey, manabi bhălă karadjhă’ăn kaasoran perrang-nga; abă'na sareng kantjana sè kaḍoewă, paḍă boeroe njarè pa-ngongsèan, Tamoj sè ḍoewă’ saamponna marè katèḍoenganna pas paḍă tèḍoeng, djhoeghă Eduard sareng Humphrey ghi’ asa-gossa terros; Djhoeghă sarrèna Eduard lagghoe’ ghi’ rèbeng njabisa da’ towanna, adon-djandon èngghi ta’ patè abit ongghoe, pas tèḍoeng, kalagghoeannèpon tako’ mè’ tabhăbhas.
Ghi' sabelloennèpon tèḍoeng,Edurd ngotja’ sapanèka ka Humphrey:,,Masè ta’ njaman tja-kantja djrèja mon èsabă’ă èḍijă' bhăi, sabăb- bhă bănnja’, lè’. Ella, mara soro enneng è bengkona Clara bhăi. Sèngko’ lagghoe’ entara ka dhăleman towan Kobăsa; bă’na so Pablo abhersè’è bengkona Clara, jă, kontjina ta’ijă băḍă ḍijă? Ḍoemalem bilă sèngko’ la molè, madjoe pas aterraghi kassa; sarta berri’i bhărăng apa sè parlo. Bilă la băḍă èḍissa, ta’ kèra bâḍă oreng sè tao, Sènga’, jă, lagghoena sèngko’ djhăghăi ghi’ petteng.”
Kalagghoeănnèpon Eduard ghi’ malem ampon mangkat ḍă’ dhi-lemma towan Kobăsa, taksè apangangghoej kadhi bhălă-tantrana Parlemmen. Kalana nattol ḍă' ka’kassa, ghi’ taḍă’ orèng sèttonga sè ngèḍing, namong Oswald èpangghi djheng-mandjheng è ampèrra, djhoeghă ta’ njana, djhă’ orèng sè ḍăteng nompa’ djbărăn ghăpanèka Eduard, pangèrana, sarḍăḍ oedjhărănannèpon Parlemmèn bisaos. Sareng ampon apangghi, Eduard pas akanḍhă klabăn rèngkes ḍă’ Oswald, manabi bhălă karadjhă’ăn ampon kala perrangnga, mèlana abă’na boeroe ka tjompo’na, apangangghoej kadhi bhălăna Parlemmèn.
Eduard ngotja’ ka Oswald: ,,Sèngko’ njabisa ḍă' towan. Ba’na tanto la ngartè, apa parlona sèngko’ apangangghoej mara rèja,”
Oswald; ,,Engghi, boelă njapo’ kèja ka kareppa dhika. Dhigghăl boelă sè ngabhărrăghiă ḍă’ rèng-orèng èko’ijă, djhă’ dhika saabiddhă noro’ aperrang, atatolong Cromwell. Djhoeghă sopadjă orèng partjadjă’ă, dhike saarè nonto betijè’ djhă’ asalènan bhăi, Bărămma, boelă matora ka towan, djhă’ dhika njabisa?”
Eduard: ,,Ella, dhina, sèngko’ terrosa dhibi’ bhai.”
Eduard pas terros ḍă’ dhălemma towan Kobăsa, Sampson sareng nèngalè Eduard apakèan opsir sarḍăḍoe djhărănan, tjè’ kasamboe’na. Samarèna malebbhoe djărănna ka gheḍḍhoeghăn, Eduard pas maso
