Katjatora Eduard saklangkong trèsnana da' Patientia, tandhăna, sanarè abǎ'na ampon toboek sè nèngalèan rèng-orèng babinè' sè ter-pènter, tor è-saè, djhoeghă ghi' tadă' sè tjotjok ka atèna kadhi Patientia. Polè saabiddha Eduard noro' apperrang, naddjhǎn teppa'na bădă ètengnga paperrangan abă'na jat-lèjaten dă' kana' ghǎpanèka saos.Djhoeghǎ ponapa sè èbăhadhiǎ ger-tegger, ma' pas băngala rep-ngarep ollèa Patientia, ouiorra Eduard ghi' bhoeroe sangabellǎs taon, kasoghiǎn ta' ghădhoeăn sama sakalè. Mèlana è băkto ghǎpanèka sanget pakéboena pèkkèrra. Manabi nèngalè kellappèpon Patientia, dhi-kadhiă sẻ bădă omo'na: opama ètagghoek masė ta' ėtolaka. Djhoeghǎ Eduard kabǎtèr, pasèra onèng pola saèna Patientia ka Eduard margha tjoma kapérotangan sè èangkès dări blăbhădjă katonon ḍhingèn. Bhǎbhoeḍhoenna Eduard ta' peggă' apadhoe bisaos. Ebǎ-sapanèka bingkèngnga bingkèng Eduard èngghi todjoe' pèkkèrra: Patientia ètagghoeghǎ (èangènana), nangèng ghi ta' mangghi bǎkto sè saè, amarghǎ Clara ta' poron mèsal ḍări Patientia. E nalèka sèttong arè Clara anglo, dhăddhi ta' kèngèng kalowar dǎri kamarra; è băkto ghǎpanèka Eduard sareng Patientia djăr-kléndjăr wǎ'-doewǎ'ǎn è bhoen-kebbhoenan. Patientia ngotja' ka Eduard:,,Ropana bă'na masė bădă sè èkasossa rowa, Eduard?"
Eduard: ,,Lakar bădă, Patientia. Bădă sèttong hal se tjè' pakè-boena ka sèngko', sèngko' ta' tao sè motosana. La pan-bărǎmpan arè sèngko' bhǎntjang ka orèng sè ghellem atatolong ka sèngko': abherri témbhăngan otabǎ potosan, bărǎmma bettjé'na otabǎ nja- manna tang hal djǎréja èdjhǎlǎnnaghi."
Patientia: ,,Eppa' apa kèra ta' kasokan aparèng tèmbhängan otabă potosan?"
Eduard ; ,,Ella tanto kasokan, nangèng tang hal djrèja, Patientia, bhǎrăng dhemmét èantarana eppa'na bi' sèngko'; dhǎddhi bărămma sèngko' sè tor-matora ka eppa'na parkara djǎrėja.”
Patientia ; ,,Angsal bănnè parkara sè tje' malaratta ongghoe, mara kabǎlǎ ka sèngko', pola sèngko' tao njombhăng parembhăghăn dhǎd-dhiǎ goe'-kagoe'."
Eduard: ,,Mon ba'na, Patientia, masè pas lakar taoa ongghoe." -(atèna Eduard dhek-ghădhegghăn)- ,,Hal djǎrèja bărinna' la kabit sèngko' kennal so ramana bădă sèttong ḍhemmèt sè kongsè satėja bi' sengko' ghi' èkekker bhai. Lă arėja, Patientia, sarrèna ramana
