91
majoe' kor-akoran polè." Eduard sareng Patientia pas atabi' „Kod- dhǎ', ra, kaènga'è, Eduard, pola sèngko' tao na'-ngèna'aghi bǎ'na dhǎddhiǎ sakonè' bhǎi, saddjhek bǎ'na lǎng-saghoeloeng so sèngko'?"
Eduard: „Ella, Patientia, sèngko' sè sala. Ta' tao apa marghǎna sèngko' ma' pas mara rèng amèmpè, amèmpè ollè kaontongan sè ta' sakèra-kèra radjǎna.... Nangèng, Patientia, naddjhăn sèngko' para' ta' mettoa ngotja', mara bi' engko' èkotja'aghiǎ kèja apa sè dhǎddhi..... kettekka tang atè: Patientia, bǎ'na moghǎ soddhiǎ dhǎddhi tang tatèmbhăngan. Mon tang otja' rèja èkaghǎli tjangkolang, mandhǎr bǎ'na ta' dhoeka'a."
Patientia: „Apa sè èkala'a seḍḍhi bi' sèngko', sèngko' oḍi', Eduard, sarat bǎ'na sẻ adjhoeloe njabă! Sarrèna sèngko' ghi' andi' rèng towa, sèngko' tjoma dhǎrma anot sakasokanna bhǎi. Sala sèngko' ta' tao males kabettjè'anna, sèngko' sè ta' masossa'a ghǎlina bhǎlǎkka'."
Eduard: „Dhǎddhi, Patientia, lamon sarodjoe' bi' kasokanna eppa'na, naddjhăn sèngko' orèng doemè'...."
Patientia: „Ella, ra, la djhǎ' li-băli parkara „ḍoemiè'" djrèja; sèngko' ta' la ngotja', djhǎ' sèngko' ta' tao kèr-pèkkèran parkara djǎrèja, dhăddhi bǎ’na dhibi' sè tjè' tjomèlla.”
Eduard: „Ijă, ella, mara èdingngaghi tang dhemmet sè èboekka'a ka bǎ'na. Sanjatana sèngko', Patientia, bǎnnè ...."
Patientia: „Lă, arowa' eppa' mèjos kanna'; ma' bhoeroeǎnna sèngko' nangalè eppa' tang atè pas ḍhek-ghǎḍhegghǎn."
Ta' antara abit towan Heatherstone tandhoek ka na'-kana' sè kadoewǎ. Towan aḍhǎboe ḍǎ' Eduard: „Sèngko' tèbhǎ ghella' sè njarè'è bǎ'na, krana sèngko' terro tja'-ngotja'a so bǎ'na; sèngko' ghi' bhoeroe ollè berta ḍǎri Londen, mon sèngko' la kaparèngan ghǎndjbărǎn bhǎrǎng, sè lakar èkaterroè sèngko' tèbhă ghi' bilǎn. Ollè dhǎddhi sèngko' sè ollè ghǎndjhǎrǎn djrèja amarghă bă'na sè apakean sardǎdoe djhǎrǎnan rowa băn polè tanto amarghă bă'na ngèstoaghi kawadjibhǎnna kalabǎn ghoe-ongghoe atè. Bilǎn bhărǎng djărèja la para ta' èkaollèa sèngko', amarghǎ rèng-orèng tambhoeroeăn ka sèngko', nangèng bhǎreng bǎ'na nepteppè kawǎdjibhǎnna klabǎn ghoe- ongghoe atè, tambhoerneǎnna djrèja pas èlang." Sè katello pas paḍă lebbhoe ka tjampo'na. Eduard terros èbhǎkta ka kantorannèpon sareng towan Heatherstone, sarta pas èdjhoeloei sorat dhǎboena: „Arèja ta'
