92
soratta sè nerrangngaghi, djhǎ' bhărăng djărèja la èghăndjhǎrrăghi ka sengko'. Oddhi bătja!"
Eduard nampanè sorat èngghăpanèka sarla pas èbătja. Monjèna sorat sapanèka: Parlemmèn aparèng onèng ḍă' towan Kobǎsa, djhă' sè njo'on tana Arnwood èparèngngaghi; sorat èngghănèka ètèken para Komissaris.
Katjatora Eduard saamponna marè matja sorat, pas potjet mowana. Towan Kobăsa adhaboe: „Lagghoe' sengko' èntara kassa, sabăb sèngko 'ahadjhat terro maddhegghă bengko èḍissa."
Eduard ta' tor-mator pa-ponapa, namong magghoek bisaos. Towan Kobăsa ghetton ngolatè Eduard, pas marèksa:,,Arapa bǎ'na, Eduard, sakè'?"
Eduard:,,Bhoenten, namong kaoelă takerdjhăt sareng matja sorat panèka. Kaoelǎ ta' ngèra, manabi pandjhennengngan kasokan monḍhoet ha'èpon orèng laèn, sè èrampas ta' klabăn djhălăn ta' adhil."
Towan Kobăsa adhǎboe: „Sengko' lakar ta' enḍă' narèma bhẳrăng rampasan, sè ghi' băḍă orèngnga; opamana: bhǎrăngnga Clara, djrèja maso' bhărǎng rampasan kèja, nangèng sarrèna'sè anḍi' ghi' băḍă, sakontjo’na oboe sèngko’ ta pong-ngamponga răng-bhẳrăng djăreja. Nangèng tana Arnwood, molana sèngko' soka' narèma, amarghǎ sè anḍi' ba' la taḍă' kabbhi; ahli bărissă katonon abhǎreng so padhă-lemmanna. Sanjatana tana djrèja mostè èponḍhoet Parlemmèn, otabă èparèngngaghi ḍă' sala sèttonga kaomma. Èantarana na-lana sè èrampas, tjoma tana Arnwood so sèngko' se èso'on, sopadjă ta' èparèngngaghiǎ ka orèng laèn."
Eduard:,,Mangkèn kaoelă terro matora pètanja ka pandjhenneng-ngan, djhoeghǎ mogha ta' dhǎddhiă dhoekana: saopama băḍă na' potona se kaaghoengan tana èngghăpanèka njo'on bălina ka pan-djhennengngan, pandjhennengngan bha' kasokana marengngaghi?"
Towan: Mon lakar njata djhǎ' djrèja ahli bǎrissă, arapa mè ta' ghellemma?"
Eduard:,,O, èngghi saklangkong, manabi kasokanna pandjhen-nengngan sapanèka, bhadhăn-kaoelǎ ngèrèng bhoenga pandjhenneng-ngan ollè ghǎndjhărăn tana ka'into."
,,Băddhinna ba'na ta' partjadjă ka sèngko'? Sèngko' la tao klabăi. njata, djhă' potona orèng sè kaaghoengan tana djrèja matè kabbhi
