Hamphrey atanja: „Băḍă apa, Eduard, mè' molè ghoeng-tanghoeng bărijă?"
Eduard pas akanḍhǎ ka Humphrey, kabit ḍări sè adjǎr-klèndjǎr sareng Patientia, kantos se ḍoeng-tèḍoengan. Eduard pas ngotja': ,,Sarrèna bǎ'na satèja la ngèḍing parkara djǎrèja, bărǎmma pèkkèrra bǎ'na. Mon sengko' la taḍă' neng-sennengnganna sè ennengnga èḍissa polè."
Humphrey: ,,Mon lakar Patientia trèsna ongghoe ka bǎ'na, la djhă' sa-sossa parkara djǎrèja, eppa'na ghoe tao apa, ta' bǎrămma tja'na bă'na so Patientia, apa polè mon abǎ'na tao, djhǎ' bǎ'na lakar teḍḍă' Beverley, tanto salo'è senneng. Ba'na ghella' mè' ngotja' Pa-tientia ta' trèsna ka bă'na?"
Eduard : ,,Aba'na ngotja', djhă' abhoenga'an ta' ngèḍing sang otja' (pamènta) djǎrėja."
Humphrey: ,,Ijă, nangèng apa saotja'na orèng băbinė' rèja èkennèng angghep?”
Eduard: ,,Mon otja'na Patientia èkennèng angghep, sabăb saotja'na kana' djrèja saabiddhă ḍări lahir terros ka bhǎtèn; bhenḍer abǎ'-na ta' tao tja'-ngotja'an sè semmo ta' patot ka sèngko', nangèng, tjoma amarghă abă'na kaprotangan sè ètolongè bilăn rowa bhǎi."
Humphrey: ,, Ijă bhender, nangèng ollè dhăddhi amarghǎ abǎ'na ghi' ta' tao, djhă' bǎ'na Eduard Beverley; kèra sèngko' mon la tao, mè' masè ta' ḍǎ'ijǎ'ǎ pangangghebbhǎ ka bǎ'na."
Eduard: Mon lakar bhenḍer bărijă, lè', sadjănè mapegghel sèngko', sabăb trèsnana djrèja ta' terros ka atèna, tjoma pamèlè' tang njama băn marghǎ sèngko' teḍḍǎ' aghoeng, parlona apa?"
Humphrey: ,,Nangèng endjă', Eduard, sarrèna bă'na èangghep orèng ḍoemè', ta' patot èkatarèsnaè, katarèsna'anna djǎrèja èèrrep ta' èpakatara."
Eduard: ,,Mon orèng sè tarèsna'a rèja ghi' mandheng pantes ta' pantessa, djrèja apa; panganèserra băn pangalèboerrǎ tjoma è bibirrǎ bhăi, ta' terros ka atèna."
Humphrey: ,,Djhoe tao, mon ḍă'ijă. Tja'na orèng lakar malarat sè ra'-ngera'a ghoelina atèna rèng binè'. Marèna bărămma kareppa ba'na satèja!"
Eduard: ,,,Tang karep bǎrijă: mon njonja è Portlake la ghellem kaengghoenan Alice so Edith, bă'na so sèngko' èadjhǎghă maèlang
