96
ampon njaḍijǎ'aghi rata, bhǎḍhi tompa'anna Alice sareng Edith ka Lancastershire.
Eduard sareng mèreng monjèna sorat, pas ngotja' ka Chaloner: „Saklangkong, saklangkong, Chaloner, sampèjan sè ata tolong ka tan-trètan kaoelǎ. Manabi taḍǎ' aral pa-ponapa, Humphrey sareng kaoelǎ èsoroa ngaterraghi Alice sareng Edith ghǎn Londen. Sampèjan tanto kabhoeroe sè mangkata ka Prantjis; manabi mèjosa, kaoelǎ antos, me' ollè reng-sareng!"
Chaloner: „Bă, ma' pas nèng-onèng mèjosa ka Prantjis saos, kaaghoengan parlo ponapa? La' sapanèkana ka kaoelǎ ampon tanto langkong bhoenga, manabi lakar ongghoeǎn."
Eduard: „Laèn arè saos kaoelǎ akandhǎ'ǎ sabǎbbhă. Manabi Hump- brey ampon mangkat ka Londen ngaterraghi Alice sareng Edith, kaoelǎ mastè palèman atoghoe jompo'; torè manabi Humprey ampon ḍǎteng, kaoelǎ ka'kantoa polè. Sabelloenna Humphrey mangkat, kaoelǎ ngatorana dhǎ'arrǎ sampèjan sareng Grenville, sè tjokopa dǎlem tello mènggoe. Ampon, nara, èngghi!"
Eduard pas terros palèman.
Katjatora Alice sareng Edith sanarè ampon onèng djhǎ' bhăḍhi èpondhoekkaghiǎ ḍǎ' sapopona Chaloner è Portlake, taḍǎ' sossana, amarghǎ ghi' ta' tanto djhă' bilă sè mangkata. Djhoeghǎ sareng ampon korang doe arè kana' panèka saklangkong ngennessa atèna, amarghǎ sè bhǎḍhi apèsa'a sareng tan-trètanna sè sanget ètrèsnaè; sèjang arè malem sasat taḍǎ' amboena sè nangès, kantos dǎ' sapèna, djhărǎnna sareng embi'na, panapa polè Pablo, ètangèsè sakalè. Eduard adjhǎndjhi ka Humphrey, djha' bhǎdhi nolongana Pablo èbingkèng, saabiddhǎ abǎ'na ngaterraghi lè'-ale'na.
Kalagghoeǎnnèpon saamponna Humphrey marè ḍhǎ-maḍdhǎi teḍḍhǎ'ǎn sè èsaḍijǎ'ǎghiǎ ka Chaloner sareng Grenville, ladjhoe èsoro aterraghi ka Pablo; dhinèng abǎ'na èntar ka Lymington nompa' djhǎrǎn, bhǎdhi njèwa'a rata sè ètompa'a ka Londen. Kalagghoeǎnna polè, sareng ampon ranta sadhǎdjă sarta marè apaamètan ka Eduard, Humphrey, Alice sareng Edith pas mangkat nompa' rata. Tello arè abiddhǎ è djhălăn, na'-kana' katello ghǎpanèka ghi' bhoeroe nattol ka Londen. Eka'issa ampon bǎḍă parnjaè kasorang sè ngambǎ' sareng abhǎkta rata.
