99
Towan Kobăsa saklangkong ghetton myarsa atorra Humphrey ghăpanèka, djhoeghă ta' aboe-dhăboe pa-pona pa sarta pas kalowar. Ta' antara abit towan ladjhoe lebbhoe ka kamarra Eduard polè asareng ḍokter. Saamponna ḍokter marè marèksa Eduard, pas adhăboe, manabi panjakètta ampon èlang, kèngèng arep èngghăllă saè, Ḍokter pas aparèng nasèhat, ponapa sè mostè èteḍḍha sareng èènom. Ḍokter adjhăndjhi lagghoe' lem-malem njapota, kadjhǎbhǎ manabi èsosol, amarghǎ panjakètta Eduard ampon ta' ngobǎtèrè polè. È malem ghăpanèka Eduard samalem bhentèng totok patèḍoengnga: kalagghoeǎnnèpon sareng ampon ngèḍing, pas mènta ngènoma. Bǎk-tona ngènom abǎ'na ghi' bhoeroe onèng, djha' sè abherri' aèng èngghǎpanèka Humphrey, mèlana pas ngotja': „Lè', sèngko' băḍă èḍimma? Sèngko' tjè' ngantokka."
Saamponna marè ngolta' sapanèka, Eduard pas marobbhoe polè terros tèdoeng tjè' ngèḍḍhǎna.
Pata băn-abăn lagghoe Oswald lebbhoe ka kamarra Eduard, pas ngotja' ka Humphrey: „,Bă'na la samalem bhentèng adjăgă neng- ḍinna', ella, mara kalowar, kassa lăn-djhălǎnan ghǎlloe, dhina sèngko' sè aghǎntéa."
Humphrey: ,,Èngghi, saè, ghellă' Eduard ngèding sakeddjhă', mangkèn manabi ngèḍing, kaoelă olok."
Humphrey pas kalowar. Aba'na ètjapo' angèn arassa seggher. Ta' abit Clara èntar ka aba'na sarta atanja sapanèka:,,Bărămma Eduard, apa ta' ollè pèndhǎ?" "
Humphrey: ,,Băḍă pèndhana, rassa sèngko' lekkas bărǎs."
Clara:,,Bǎ'na bhă' ghi' ènga'a ka otja'na bă'na sè bă'ari' rowa?"
Humphrey:,,Endjă', sèngko' tja'-ngotja' apa?"
Clara:,,Apana kaḍhik pa-maloppa, ba'ǎri' bǎ'na ta' ngotja', djhǎ' Eduard mon la bărǎs ta' ennengnga èḍinna' polè!"
Pumphrey:,,Ijă, mon ta' kalèroa masè ngotja' ongghoe."
Clara:,,Lă, djărèjă sèngko' terro taoa marghǎna, bilan ghoe băḍă rarasan mara djǎrèja. Kalana sèngko' so Patientia bări' kalowar ḍǎri kamarra Eduard, Patientia pas nangès tje' dhăddhina, ijä marghǎ otja'na bă'na djărèja."
Humphrey:,,Sèngko' ta' tao, apa marghăna ma' pas ngotja' mara djărèja, panḍă'na parkara djărėja la djhă' odi'i polè."
