100
Clara tjengngeng sakeddjhǎ' mèreng otja'na Humphrey, ta' abit pas ngotja' polè: „Apa ijă Alice so Edith satèja la taḍǎ' è Alas-anjar? Sèngko' ngèḍing ḍǎri Patientia, Patientia ḍări ramana."
Humphrey: „Ijǎ, sèngko' bǎri' lakar la mator ka eppa'na, djhǎ' Alice so Edith la mangkat."
Clara: „Bǎddhinna ongghoeǎn, arapa mè' pas bǎrijă bhǎi? Apa sè èla- konè na'-kana' djrèja èdissa? Marèna pas sapa sè matana'aghiă bă'na băn sapa sè mèjara'a sapèna, embi'na bi' adjămma djǎrowa? Djhǎma'na orèng bǎ'na ta' atotorana ka Patientia otabǎ ka sèngko' ghi' sabelloenna, djhǎ' anoa sengko' so Patientia ghoe ta' ngater kèja. Mon bǎrinna' bǎ'na sakèng ta' ngangghep ongghoe ka sèngko' so ka Patientia."
Humphrey pakèboe sè adjǎwabhǎ patanjana Clara, mèlana pas njambhit ḍǎ'-panḍǎ' bisaos, semmo ḍhi-maseḍḍhi:„Molana sèngko' ta' ală bălǎ ka bǎ'na so ka Patientia, amarghǎ paḍǎ orèng aghoeng, sèngko' so tang tan-trètan padă ana'na orèng dhisa, ta' ladjǎk ket- raketta otabǎ sè gheb-ngangghebbhǎ ongghoe ka orèng aghoeng kanṭa bǎ'na so Patientia; apa pole satèja Patientia la dhăddhi orèng soghi, sè bhǎkal ngaandi'a tana Arnwood sasèdhǎna eppa'na. Alice so Edith èponḍhoekkaghi ka tang kennalan sè kentel èseddhi'na Lymington, amarghă abǎ'na la adjhǎndjhi djhǎ' bhǎkal mèjara'a na'-kana' djǎrèja klabǎn ghoe-ongghoe atè. Mon Alice so Edith teptep aengghoen è alas rèja bhǎi, opama sèngko' so Eduard pas matè, pas sapa sè arabǎdhǎna, pas bǎramma dhǎddhina paghi'. Mon bǎḍǎ èdissa dhǎd- dhiă ne'-sakoně' tanto ollè kapènterran, satowana tanto paraddhoe dhǎddhi parajaè otabă băboena orèng aghoeng otabǎ orèng soghi. Dhǎddhi naddjhăn sèngko' otabǎ Eduard matè, tang trètan ta' matè lapar, ghǎnte tjara bǎ'na so Patientia, băḍă sè ètjagherrăghi!"
Clara sareng mèreng otja'na Humphrey sapanèka, pas nangès seghoemen sambi ngotja': „Pya, bǎ'na djărèja dhengghi ongghoe, Humphrey, mangghǎ martjadjǎ'ǎghi tarètanna ka orèng laèn. Nangèng masa ongghoeă, sèngko' ta' partjadjǎ sama sakalè."
Saamponna marè ngotja' sapanèka, Clara pas lebbhoe ka romaną.
BHǍB SÈ KAPÈNG ḌOEBELLǍS
Para maos tanto paḍǎ ngèra, djhǎ' otja'èpon Humphrey ghella' bǎḍǎ lètjekka. Kareppèpon kana' panèka, namong sopadjǎ Clara ta'
