105
kèrèmmaghi ka bǎ'na. Satėja sèngko' tjoma ngenaèng njangoẻ bǎʼna sakonė', kèra sèngko' tjoma tjokop angghoej ḍlem sataon bhǎi, laèn arè sèngko' pas akèrèma pèssè sabbhăn taon ka bǎ'na. Laèn dari djǎrėja molana sèngko' ta' kentjeng noro' bǎ'na, Eduard, sapèsan terro laoa kasokanna Lowan Kobasa sè ngala' tana Arnwood, bha' èpabărămma'a, kaḍoekalèna mon sèngko' ghi' ta' ngėdinga kabhǎrrǎ Alice so Edith sè båda è bengkona njonja Portlake, sèngko' ta' kèra ngèrsèt dări dijǎ."
Eduard: ,,Bǎ'na landjhǎng nadǎrrǎ ongghoe, Humphrey, ijă sèngko ta maksa'a. Nangèng tang pamènta, ba'na ta' parlo njèmpen pèssè nja'-bännja' kangghoej sèngko', mon badǎ sèngko' kèrėmė sakone' bhǎi, ijă mon tada, ella."
Humphrey Bǎ, djhǎ' nolakan bǎberri'na tarètan, ra, Eduard! Sengko ghǎbăjă apa naro pèssè nja'-bănnja', tadǎ ghoenana; mara angghoej ba'na bhai, molana pola me' bådǎ kèrèman péssé dări sèngko djhä' sampè' ta' èlarèma."
Eduard: ,,Ijǎ mara, sakareppa bå'na bhai. Madjoe abǎk kebbhdhan sakoně, mon tadǎ' aral pa-apa, sèngko' mangkata lagghoena ghi' pelleng."
Katjatora atoran njarè'è doe-sardadoe sè boeroe dari paperrangan è Worcester, è bǎkto èngghånèka ampon èamboeǎghi, mélana pas taḍa' larangan pa-ponapa, sanarè orèng alolongana man-ka'kamman. Kalagghoeǎnnèpon ghi' rèbeng Eduard, Humphrey, Chaloner, Grenville sareng Pablo pas pada mangkat da' Southampton; dhinèng răng-bhǎrǎngnga éboewa' djhǎrån. Eduard bånnja' sangona, èngghi panèka: pèssè sè ollèna mangghi sareng hasèlla legghällä. Sanattolla ka ghir sèrèng ampon malem; Eduard, Chaloner sareng Grenville saamponna. marè apaamèlan ka Humphrey sareng Pablo, ladjhoe ongghǎ ka kapal ladjǎr nè’-kènė' sarta ladjhoe mangkat. Sarrèna è malem ghǎpanėka angėnna kalerressan saè, kalagghoeǎnnèpon sẻ katello nattol dǎ' palabbhoeăn kènè' è tana Prantjis. Samangkatta sé kattello, Humphrey sareng Pablo, pas palèman. Ghi' baḍǎ è djhalǎn, Pablo ngotja ka Humphrey: Pa, kadhi ponapa, lora, kalana nona Alice sareng Edith mangkat, Pablo èngghi kadǎroej noro'a, sareng lora Eduard mangkat, Pablo kadaroej polè, djboegbă nèngalè sampėjan băḍă èka'into, Pablo pas terro noro'a bǎḍá èka'ḍinto saos. Pah, kaoelā ma' terro andi'a bhǎdhăn tatello."
