Humphrey: La tanto ta' ngennèng, Pablo; endjǎ', manossa rèja ta' dhoe-kodhoe anḍi' bhǎdhǎn ḍaḍoewǎ' otabǎ tatello'; sè sèttong djǎrèja bhǎi pateppa' angghoejǎnna, artèna manossa rèja wǎdjib enneng kennengngan sè amèghoenanè ka ma-samana. Mon bǎ'na noro’ Alice, ta' saapa ghoenana bă'na, sabăb Alice la bǎḍǎ sè abhirengngè, noro'a Eduard bǎrinna' kèja; dhinèng mon noro' sèngko', talèbăt radjǎ partolonganna bǎ'na."
Pablo: ,,Pablo èngghi ampon ngartè, lora. Pablo ennengnga sareng sampèjan bisaos, sopadjǎ kèngènga long-nolongè lora alalakon è tegghǎl, nona Alice, Edith sareng lora Eduard ampon ta' parlo ètolongè polè."
Humphrey: Madjoe pabhǎdjheng sè alalakon, Pablo, nangèng sarrèna nèng karè orèng kaḍoewǎ, sabǎnnèna pangghǎbǎjǎn amboeaghi bhǎi, akanṭa mèrèt sapè, djhă' rèng Alice so Edith la taḍă' ḍinna'. Sèngko anḍi' saddjhǎ laèn, terro maghărǎna tana sè abǎk lèbǎr, parlona: mon băḍă bhelloe, pas èalanga kaḍǎlem; bilă la èkennèng pas djhoewǎl ka Lymington. Rassa sèngko' djǎrėja aberrǎdhăn so aghăbăj manteghǎ."
Pablo: ,,Manabi lastarè kasokanna èngghǎnèka, kaoelǎ bhǎḍhi rèpota."
Humphrey: ,, Maskè sèngko' ijǎ bǎrijă kèja. Molana madjoe san-mèsan rèpot, Pablo, tana djrėja paghǎri kadjoe pamapan sakalė, mè' ollè serra', tor laèn arè èkennèng ghăbăj pamèghǎ'anna sapè alasan."
Gessana kana' kaḍoewă panèka èpoghǎghǎ ghǎn ka'dijă saos, korang parloèpon manabi ètjarèta'aghiǎ sadhǎdjǎ. Mangkèn katjatora Eduard, sè mènggǎt ḍări dhǎlemma towan Heatherstone.
Samangkatta Eduard, Oswald pas njabis ka towan Kobǎsa, ngatorraghi soratta Eduard. Saamponna marè èmaos, towan pas aḍhǎboe ka Oswald:,,Eduard apa la mangkat?"
,,Ampon, ghella' ghi' malem."
,,Arapa mè' taḍǎ' mèt-amètta ka sèngko' bhǎlǎka?"
,,Ka kaoelǎ băḍă, djhǎ' rèng Eduard ka kaoelǎ lakar kennal langkoug ḍhingèn."
Towan Heatherstone sareng myarsa atorra Oswald kadhi bhoeroe, sanget dhoekana, pas aḍhǎboe semmo njentak:,,Mon bǎrijǎ kassa ba'na noro Eduard sakalè!"
Oswald:,,Saè, towan." Saamponna marè mator sapanèka, Oswald pas kalowar.
