106
„Dhǎddhi djhebbhing nolak pamèntana?"
„Nolak èngghi bhoenten, djhoeghǎ Eduard aromasa ta' katampan. Laèn ḍǎri ghǎpanèka Eduard otja'èpon ghǎdhoeăn bǎdhi, sè èbeḍḍǎrǎ ka kaoelǎ, djhoeghǎ sarrèna pas kasellek rama raboe, dhǎddhi ta' lastarè èboekka'."
„Ijǎ, otja'na bǎ'na djǎrèja la sapantessa, bhing, sèngko' ijǎ ta' njala'aghi. Sanjatana, bhing, sèngko' kan ghep-ngangghep ongghoe sarta tjè' ḍoempana ka abǎ'na, amarghǎ sèngko' tjè' terrona sè ngabǎsa djhebbhing adjhǎr-djhǎdjhǎr so Eduard. Djha' anoa djheb- bhing ètorota bhǎi lang-saghoeloeng so abǎ'na."
„Engghi, kaoelǎ bhoeḍhoe rama."
„Nangèng sang pangaterro, na', djhebbhing sè ta' ambhoeǎ todhoei sèngko'; ḍhǎmo bǎ'na la njapo' ka tang semmo.'
Patientia sareng mèreng ḍhǎboe sapanèka pas nangès sèghoemen polè, atorrèpon: „Kadhi ponapa, rama, kaoelǎ sè djhoer-djhoedjhoerǎ oe'-dhǎlloe', djhǎ' kaoelǎ neng-è abă' băbinè". Sanjatana, rama, kana' Ingghǎrowa ampon abit sè băḍă è ngen-angen kaoelǎ."
Ramana meddhet kadhi orèng tjengngeng sakeddjhǎ', ta' abit ladjhoe adhǎboe: „Ella, mara, bhing, èḍingngaghi, sèngko' ator-totora ka ana', eh, èmanna sèngko sẻ ta abălă ghi' lăn-bilănna ka bă'na. Sanjatana, bhing, kana' djărèja njamana bǎnnè Eduard Armitage, nangèng Eduard Beverley, ijă sè èkabhǎrraghi matè katonon è Arn- wood so tan-trètanna rową."
Patientia sareng mèreng dhǎboena ramana bhoerde, pas adjheng- ngat, saklangkong kasamboe'èpon, djhoeghǎ sarrèna na'-kana' bine', ta' patè katara ongghoe. Ramana pas adhǎboe polè: „Bhing, sanja- tana sèngko' lan bilǎn sè ngèra, djha' Eduard djǎrèja bănnè orèng ḍǎn-baḍǎn. Bhenḍer abǎ'na ngangghoej kanṭa paugandjhoer, nangèng mon èabǎs olatta, apa pole pola tèngkana, la ljè' terrangnga, djha' toronna orèng aghoeng. Kalana sèngko' bilǎn èntar ka Lymington, sèngko' atemmo so bekkas abdhi è Arnwood kasorang, Benjamin njamana. Sèugko' ghoe'- ghangghoe' atanja kabadǎ'ǎnna na'-kana' sè kaempa, ghi' sabelloenna matè katonon, Benjamin ijǎ adhoengngèng sadjhǎrna'na. Laèn arèna bhǎ- reng bi' sengko' èoros pas njata, djhǎ' ma-njamana terros ka mor-omorra na'-kana sè paḍǎ matè katonon rowa tjotjok kabbhi so mor-omorra bǎn ma-njamana na'-kana' sè kaempa èḍǎlem alas rèja; njama băn omorra na'-kana sè kaempa djǎrèja ijǎ tjotjok moso ḍǎftar sè băḍă
