107
è grèdja. Kèra séngko' ta' kèra băḍă orèng partjadjă, opama sèngko' ngotja': parkara tjotjokka djǎrèja sakèng kateppatan bhǎi. Pasang sakèng kateppatan ongghoe, ta' kèra kampa ladjhoe paḍă kakabbhi, njama terros ka omorra, paḍă njamana, ta' kèra paḍă omorra. Molana sèngko' pas jăkin, djha' poj-kompojja Jacob Armitage djǎrèja njatana tra-pottrana Kornèl Beverley. Kabit ḍări djărėja Eduard bi' sèngko' pas èpadhăddhi sekretaris sarta èsoro enneng dijǎ sakalè; tang karep sèngko' sala ta' tao atatolong ka ramana, me' ollè ka pottrana bhǎlǎka, Kornél Beverley rèja tang soebăt kențel sarta bănnja' pèlolongnga ka sèngko'. Saghoenong rassana tang atè, bilăn Eduard pas ghellem enneng èḍinna' ongghoe. Apa pole saddjhek sèngko' ngatèla', djhǎ' djhebbhing so aba'na rè-saarè sasat ta' tao bhengghăng sakalė. Par-kara tana Arnwood bărămma sèngko' sè njo'ona, sopadjǎ èparèng- ngaghiǎ ka Eduard, bi' Parlemmèn tanto ta' èkabbhoeli, sabăb loemrana orèng Eduard Beverley la matè; molana pas èso'on sèngko' dhibi', kabhenḍerrăn pas èparèngaghi. Tang karep, endjǎ' ta' èkala'a sèngko', tjoma èngko' tako', amè' tana djărèja pas ghăgghăr ka orèng laèn; sambi'anna, bhing, lamon pènareng kalabăn kasokanna sè Aghoeng, abǎ'na djhoeḍhoe so djhebbhing, ḍoe sapa polè sè ngaol-lèa tana djǎrėja, laènna Eduard. Djhǎ' sakènga Eduard teptep băḍă èḍinna', rassa sèngko' tang hadjhăt djärèja napa' kakabbhi. Nangéng ḍoe bărǎmma'a, sarrèna kareppa sè abhillǎ'ăna Sang Radjhă talèbǎt addhrengnga, sèngko' ngoman ḍǎ'ijă ḍă'ijă la ta' èḍhinaaghi, dhăddhi so sengko' pas èotjol. ètorot sakareppa. Tja'na kabhăr nalèka abǎ'na dhăddhi bhǎlǎ karadjhǎ'ăn olle pangkat kaptèn sarta ngangghoej njamana sè asal, ijă arèja Eduard Beverley. Kalana sèngko' ghi' roe-bhoeroe rèja èntar ka Londen, para Komissaris padă ghetton, amarghă bǎḍă kaptenna bhǎlă karadjhăăn kasorang anjama Beverley; tja'na Komissaris: Beverley ḍări ḍimma?
Bǎkto sèngko narèma sorat, djha' tana Arnwood èparèngngaghi ka sèngko', pas terros èsoro bătja ka abǎ'na, sopadjă taoa. Abă'na ladjhoe atanja, saopama băḍă toronna Beverley otabǎ ahli bǎrissă tana djǎrèja mènta bălina, bha' ghellemma sèngko' mabǎli ka sè mènta. So sèngko' èdjăwăb, parkara djǎrėja ta' ollè dhăddhi, amarghǎ potona Kornél Beverley la matè kabbhi; molana tana djǎrėja laèn arẻ bhăkal èghǎbăjă băn-ghibǎnna kabinna djhebbhing, dhoemèn djhebbhing alakè. Olja' djǎrèja parsemmon, bhing, tang karep, njopprè Eduard
