totoka sè adhoengèng, abă'na ladjhoe apangrasa, djhâ' towan panèka èstona sanget ngangghebbhâ ongghoe ka abâ'na. Humphrey pas mator pètanja ka towan Heatherstone, panapa kèngèng akèrèm sorat ka Eduard, notorraghia dhăboena èngghăpanèka. Towan adhaboe, djha' lakar ghăpanèka sè dhâddhi kasokanna.
Saamponna towan Heatherstone pas bhoebhăr; ta' saponapa abittèpon Humphrey pas ngeppossaghi sorat ka Eduard.
BHÂB SÈ KAPÈNG TELLOBELLÂS.
Samangkèn bhadhi èdhoengngèngngaghia nè'-sakoně bhab kabădăǎnnèpon Eduard è naghără Prantjis.
Sanattolla ka kotta Paris, pas njabis dâ' Radjâ Karel. Sang Radjhǎ saklangkong bhoengana ghalina sarta pas ngandhika, djhă' kasokan aparènga partolongan ka Eduard, njopprè èngghălă dhâddhi bhâlâtantra. Pangandhikana ka Eduard: „Bădă Djèndral kadoewă, njamana Turanne so Condé, djărèja la padă kaalok perrangnga, mala satèja la para atjampoa. Dhibina ngennèng mèlè sala sèttonga, sè kemma sè ètoro'a bă'na."
Eduard mator: „Abdhidhălem ngèrèng kasokan adjoenan-dhâlem." Sang Radjha ngandhika polè: „Mon tang kakasè ijă Condé. Abă'na bhâkal ngongghăʼăna Radjhă Prantjis, sabab Radjhâ djărèja dhengghi tor ta' netteppè djhândjhi. Dhibi'na taoa, sèngko' ghoe ta' tjoma èkaghâbâj pakakas matekka hadjhăddha bhâi, nangèng ka sèngko' tadă' pètolongnga sabighiǎ kanan. Mara pèkkèr salèrana adjhandjhi ka sèngko' èpadjhoemennengnga rato polè, nangèng kangsè satèja tadâ' dhaddhina pa-apa, nèng kasokanna dhibi' bhăi. Dhălloe, băʼna ètoro'ana sorat dâ' Djèndral Condé. Sèngko aberri' nasèhat ka bă'na, mon bă'na ngèrèng Djèndral, pèkkèrra djhâ' patjangka, sapadjhălănna toro bhai sarta èstoaghi apa prèntana, sanaddjhăna ta' tjotjok bi' kareppa bă'na sakalè, ta' ollè bâ'na mellang. Condé djărèja ghi bhoeroe kalowar dari tahanan è Vincennes, nangèng la para atjam poa polè."
Saamponna marè narèma asta'annèpon Sang Radjhă, Eduard pas njabis da Djèndral Condé.
Djendral saamponna marè maos asta'anna Sang Radjhâ ghâpanèka, pas adhăboe: „Dhăddhi dhika pon tao noro' aperrang è Worcester,
