110
Ta' manglo Sang Radjhǎ sè aparèng asta'an kanṭa nèko. Sanjatana sorat kanta nèko rang-rangrang orèng sè ollèa. Molana dhika so boelǎ èpadhǎddhiǎ bhăbă boelă tor èkeppè'a boelă dhibi'. Napè dhika asangghoep njarè orèng polè, nangèng sè mara dhika tjakeppa."
„Engghi, asangghoep, djhoeghǎ namong kaḍoewă. Ghǎpanèka ka- oelă băngal ngatorraghi, sabǎb kaoelǎ ampon tje' kennalla."
„Napè taḍǎ' polè ?"
„Băḍǎèpon băḍă, djhoeghǎ bhǎdhǎn-kaoelǎ ta' băngal sè nantoaghiă."
„Lagghoe bǎdjǎ nonto djhǎdjhǎl kantjana sè kaḍoewǎ ghǎnèko kèbǎ ko❜anto!"
Djèndral Condè pas ngolatè ḍǎ' para opsir sè paḍǎ ngadhebbhǎ. Eduard èngghǎl kalowar, èntar ka kantjana sè kaḍoewǎ. Kalagghoeǎnnèpon Chaloner sareng Grenville pas èbhǎkta atjabis ka Djendral Condè. Djendral adhǎboe: „Pya, empon, senneng ongg hoe boelǎ ollè bhǎreng kanṭa dhika nèko. Napè polè djhǎ' sakènga dhika ngèbă bhălă dhibi' ḍări naghǎrǎna, dhiḍḍhi'ǎ bhoengana atè boelă. Laèn arè pola ollè, kèbă dă' bhăbă boelǎ è Guyenne, krana boelǎ sanonto pas mangkata ko'assa. Bilă boelǎ pon mangkat, dhika èboedi mènta bhǎrǎng kaparloanna ka rèng-orèng sè băḍă è ḍǎftar nèko. Molana lebbi bhǎghoes sanonto dhika njarmoa ka rèng-orèng ghǎnèko."
Para maos ampon ngaghǎli, manabi Djèndral Condè bhǎdhi aloro ka Radjhă Prantjis. Dhinèng sè atatolong Djèdral panèka laènnèpon rèng-orèng bhǎngsa aghoeng, bhălă ḍări Spanjol.
Ella' saboelǎn ḍări panjabissa Eduard, Djèndral Condè ampon atjampo perrang; bhălă tegghoe'ǎnna Eduard: ḍări Schotland sareng dări Inggris ra-kèra 300 orèng. Ta' antara abit Djèndral Condè ontong, oenggoel perrangnga lerres èseddhi'na Blenain sarta pas terros mabheḍḍhǎ Paris è nalèka taon 1652.
Katjatora Djèndral Turenne, sè ngapalaè bhălă Paris, nabǎng bhălăna Djèndral Condè. Sareng ètjapo', èngghi panèka è St. Antoine, bhălăna Djèndral sè kadoewă ladjhoe atjampo, èghika'ijă perrang saklangkong rammèèpon; sarrèna paḍǎ kowatta paḍǎ taḍǎ' sè kala'a. Djhoeghǎ bekkasanna bhălăna Djèndral Condè njorot, kantos ka bǎtessa Champagne, marghǎ ta' ollè bhǎntoan ḍǎri bhălă Spanjol.
Nalèka Eduard bǎḍǎ è Paris, narèma soratta Humphrey, sè njebbhoettaghi parkara ḍhǎboena towan Kobǎsa, pramèla Eduard pas
