111
bhoenga atèna. Sanarè Patientia ampon paddhăng bisaos è tèngalla, djhoeghă ta' patè ènga'-kaènga'è ghoe-ongghoe, sabăb ghi' èmo' sareng perrang; abă'na ngèrènga Djèndral Condé terros, kantos ḍa' oboessă perrang.
Teppa'na băḍă lagghǎngnga lako, Eduard ngatorè sorat ḍǎ' towanna, mator onèng, djha' kabǎḍă'ănnèpon abǎ'na èḍǎlem paperrangan kapa-rèngan salamet, abǎ'na njo'on moghă èpasṭèa sareng Ghoestė Alla tapangghi sareng towanna polè. Sareng soratta ampon para' totoka sè ètolès, ḍi-boeḍina aba'na pas atanja kabăḍǎ'ǎnnèpon (sakè' gher-ringnga) Patientia. Dhinèng parkara sè nagghoek Patientia ta' èbhoet-sebbhoet sakalè, amarghǎ kadjhǎbhă abă'na ghi' rèpot sareng pang- ghăbăjǎnnèpon, ghi' abit sè kèngènga palèman, otabǎ pasèra onèng amè' abǎ'na kalèr.
Bit-abit Djendral Condé dhăddhi pangradjana bhălă Spanjol è naghără Bălăndhǎ, dhinèng Eduard sakantjana ḍări kaèstoanna ka djèndralla, èghăndjhăr pangkat tèngghi.
É naléka taon 1664 Radjhǎ Prantjis apardjhǎndjhiăn sareng Cromwell; Radjhǎ Karel pas èoesir ḍări nagháră Prantjis. Katjatora: èḍǎlem taon ghǎpanèka papeṛrangan è naghără Bălăndhă ghi' terros bisaos. Sareng Radjhǎ Spanjol ngaghǎli, manabi bhălăna sè èkapalaè Condé arassa ta' mongkat sè nerrossaghiă alabǎn bhǎlǎna Turenne, pas aḍămè sareng Radjhǎ Prantjis.
Bǎkto dhi-dhǎddhina perrang Cromwell èangkat dhǎddhi Protector (1) è naghǎră Inggris, djhoeghă ta' antara abit ladjhoe sèdhǎ.
Saabiddhǎ Eduard noro' aperrang, rangrang narèma'an sorat ḍări Humphrey. E băkto ghǎpanèka abǎ'na sakklangkong terroèpon sè njabisǎ ka Radjhǎ Karel, sè ghi' prappa'na alèngghi è Spanjol.
Djhoegha sarrèna bhălă-tantrana mangkèn ghi noddjhoenè kaasoran perrangnga, Eduard ta' poron sè adhingghăllăghiă bhǎlǎna.
Sareng ampon marè aḍămè, Condé kaparèngan amponan ḍări Radjhă Prantjis, sarrèna perrang oboes dhăddhi bhălǎna èpapalèman sadhădjǎ. Sareng Eduard, Chaloner sareng Grenville marè apaamètan ḍǎ' Djendral Condé, ladjhoe mangkat ḍă' Spanjol, njabisa ka Sang Radjhă. Sanattolla ka'kassa, sè katello ta' tapangghi sareng Sang Radjhă Karel, amarghǎ Sang Radjhǎ ampon mèjos ka naghǎră Bălǎndhå.
(1) Protector maos: protèktor = njamaèpon pangkat sè tèngghi
