Katjatora sareng pottrana Cromwell, sè anjama Richard, sè aghǎntė pangkattèpon ramana, dhǎddhi Protector, amboe, atorannèpon naghără abăli onè kadhi sè ampon. È băkto ghǎpanèka bhǎbă parèntana Sang Radjhă ampon paḍă njalamettana djhoemennengnga Radjhǎ Karel sè kapèng II, aghǎntè ramana sè ampon sèdhǎ. Nalèka tangghăl 15 boelăn Mei pas băḍă berta, manabi Radjhă Karel lerres tangghǎl 8 ampon djhoemenneng. È băkto ghăpanèka bănnja para ghoeng-aghoeng sè paḍǎ mèjos ka naghără Bălăndhă, bhaḍhi ngèrènga Sang Radjhǎ, sè bhoebhǎrǎ ka Inggris. Sang Radjhǎ nètè'è kapal è Scheveningen. Dhinèng sè ngambă' è Dover, Djèndral Monk, sarta pas terros ngèrèng ka Londen; è Londen èpapak sareng kahormatan sè saklangkong radjǎ. Sang Radjhǎ è koṭṭa Londen nètènè djhărǎn, Eduard, Chaloner sareng Grenville ngèrèng notèng èbingkèngngèpon. Katjatora orèng sè paḍă ngormat raboena Sang Radjhǎ aboen-èboen, kantos rong-lorong sella' sareng orèng. Lă-tjanḍilǎna pangghoeng èngghi topen sareng orèng. Sadhădjǎna orèng paḍă bă'-kobǎ'ǎn mabi sattanang otabǎ topi ka Sang Radjhă. Sang Radjhă èngghi taḍǎ' pegghǎ'na sè aongghoe' ka kanan sareng ka katjèr malessè pangormatta rèng-orèng sè paḍă nèngalè.
Chaloner ngotja' ka Eduard; ,,Mangkèn, ngolatè ka djǎnèla èngghǎrowa, pèh, orèngnga masè njot-nganjot atè. Bhǎ' băḍă'ǎ sè kennal ka sampèjan?"
Eduard: „Taḍa', rassa kaoelǎ èngghǎnèka bǎbinè'an ḍări Paris."
Chaloner: Manabi sapanèka sampèjan ta' onèng noraè robăna orèng. Engghǎrowa, ta' dji-radjina, Alice sareng Edith. Eboeḍina polè sapopo kaoelǎ sè è Conynghame." . Eduard: „O, èngghi lerres, ka'rowa Edith aghellǎ'."
Chaloner:,,Abă'na bhǎ' nèngalana ka kaoelǎ otaba ka sampèjan?"
Eduard: ,,Torè abås saos."
Eduard pas ngotja' ḍǎlem atèna: ,,Bǎddhinna rowa Alice so Edith. Sengko' ta' njana sakalè, sè èsaka bǎrijă."
Sareng Eduard ampon semma' ka lè'-alè'na, Edith pas nèngalè ka Eduard, otja'èpon ka Alice: ,,Alice, rowa ghoe ta' Eduard!"
Edith sè ngotja' sapanèka tjè' kadjǎna kantos kapyarsa ka Sang Radjhǎ sareng rèng-pangèrèngnga. Mèlana Sang Radjhǎ pas ngandhika ka Eduard:,,Na'-kana' binè' sè kaḍoewǎ rowa apa trètanna bǎ'na, Eduard?"
