113
Eduard mator: „Èngghi, ghoestè."
Sang Radjhǎ ladjhoe ngadhek è sangghǎbeḍḍhina, ngolatè ka Alice sareng Edith sambi aonggoe'. Saamponna pas ngandhika polè: „Mon bǎrijă tang kraton bhǎkal ta' kakorangana dhǎmar, Beverley."
Saamponna Sang Radjhă tandhoek ka karaton, para ghoeng-aghoeng pas pada ghoebhǎr sadhǎdjă. Sapanèka djhoeghǎn Eduard sareng tja-kantjana pas paḍă palèman ka tjompo'na nja-njonja è Conynghame, terro apangghiă sareng tan-trètanna, amarghǎ ampon seddheng kerrongnga. Katjatora bǎkto Eduard apangghi sareng tan-trètanna, saklangkong bhoengana, amarghǎ Alice sareng Edith èpangghi paḍă bărǎs tor ampon pènter ḍǎ' sabhǎrǎng kalakoan, panapa polè robǎna ta' kala ka orèng pettèngan. Sapanèka djhoeghǎ Chaloner sareng Grenville ètarèma sareng' soka bhoengana atèna (sareng Alice sareng Edith), amarghǎ ampon kennal kabit ḍhingèn.
Edith pas ngotja' ka Eduard: „Eduard, apa bǎ'na la ngèḍing gărijoenganna orèng èla'ḍinna', djhǎ' bǎnnja' jèng-lantjèng sè paḍă kanèl (1) ḍǎ' orèng băbinè' kasorang, amarghǎ raddhinna robǎna? Nangèng sèttonga taḍǎ' sè èpardoeliǎ."
„Endjǎ', sapa djǎrèja, djhădjhǎl, ra, kabălă, sopadjǎ sèngko' maʼ ta' kanjot sakalè."
„Doe sapa'a polè, kadjhǎbhǎna Patientia Heatherstone."
„Patientia?"
„Ijǎ; nangèng ijǎ ta' manglo tjèng-lantjèng è Londen sè kanèl ka abǎ'na. Satèja bǎḍă è bengkona pamanna, Ashley Cooper. Ghellǎ' ghi' lagghoe so ramana ijă băḍă ḍinna'."
Eduard: „Bǎ'na apa ta' tao narèma sorat ḍǎri Humphrey?"
„Ghi' katello arèanna rowa sèngko' narèma soratta, njebbhoet- taghi, djhă la amboe sè atanè."
„Marèna abǎ'na satèja bǎḍǎ dimma?"
„Abǎ'na satèja bădă è Arnwood, sabǎb tana djǎrèja la èpaddheg- ghi padhǎlemman polè. Kabhǎrrǎ, padhǎlemman djǎrèja ta' kala ka kraton bhǎghoessa. Satèja Humphrey sè atoghoe èḍissa, sampè' băḍă potosan, djhǎ' sapa sẻ ngaandi'."
„Padhǎlemman djărèja ta' ijǎ kaghoenganna towan Kobǎsa?"
(1) kanèl tjara Bără'= taghijoer tjara Tèmor.
NA'-KANA' KO'ONG KAMPA ÈḌǍLEM ALAS
8
