116
Eduard sareng nèngalè Patientia, pas ngalèng éboedina orèng băn- nja,' tako' mè' moḍhă ka Patientia. Kaotja'a Patientia è băkto ghǎ-panèka apangangghoej sè dhă-èndhă; sarrèna ḍhasar na'-kana' mowa' ka angghoej, saḍjǎn èpangangghoeji kadhi èngghǎnèka, dhǎddhi so'è ngontap kasaèannèpon; mèlana sareng Eduard Patientia èpadă'ăghi sareng bidhǎddhări sè bhoeroe toron ḍǎri sowarghǎ.
Ta' antara abit towan Heatherstone pas ngaḍhep ka Sang Radjhă. Saamponna ladjhoe pottrana, ètonton sareng njonja kasorang, sè Eduard ghi' ta' kennal. Sang Radjhǎ sareng ngolatè Patientia nja-bis, pas adhǎboe semmo kadjă, kantos Eduard palasdhǎ sadhădjǎ ka ḍhăboena. Sapanèka pangandhikana: „Sèngko' aromasa kapro-tangan radjǎ ka eppa'na, sèngko' ngarep bǎ'na mandhăr ghăsèka èn-maen kanna'." Patientia ta' tor-mator pa-ponapa, pas terros adjhălăn (ghi' terros sambi ḍoe'-nonḍoe'), kantos ta' katèngal ka Eduard polè, kaanḍengngan orèng bǎnnja'.
È bǎkto ghǎpanèka Eduard sadjănè atambă taghijoer ḍǎ' Patientia. Salobǎrrǎ mèn-rammèn, Eduard pas palèman ka tjompo'na lan-trèlan binė'na. Kalerressan Humphrey ampon ḍăteng. Eduard ngolja' ka Alice: ,,Ella, lè', sèngko' la ngatèla' Patientia; bănnèan so ghi' bilǎnna. Lambǎ' sèngko' engghăn tjoma ngangghep bhǎi, artèna sènga èporopa so Arnwood, sèngko' ta' enḍǎ', nangèng satèja ella, bă-rămma'a bhǎi dhǎboena eppa'na, sèngko' mator èngghi, anggher sèngko' èpangabdhi ka Patientia bhǎi; la dhina maskė tang tana Arnwood èkala'" .
Humphrey pas njambhit: „O, Eduard, bǎ'na ta' osa sa-sossa parkara tana Arnwood. Sèngko' la narèma dhǎboe ḍări towan Kobǎsa, djhǎ' taḍă' orèng laèn polè sè ngaanḍi'ǎ, kadjhăbhǎ bă'na. Nangèng sarrèna towan satèja la aghăbǎj padhǎlemman èḍissa, dhǎddhi ba'na kodhoe aghǎnté'è brăghǎddhă, ijă mon ta' kellar madjǎr sakalèan, njètjèl. Rassa sèngko' towan la nepteppè ongghoe par-djhăndjhiǎnna ka bǎ'na, nalèka bhoeroe ngaollè tana Arnwood rowa."
Eduard: ,,Ijă dhoelat, mon la bǎrijǎ kasokanna towan."
Humphrey:,,Dhinèng parkara pottrana, ba'na kodhoe aparembhăghăn dhibi', sengko' ta' băngal nantoaghiă, djhă' mostè èkaollè, krana ijǎ tana Arnwood lakar la anḍi'na ba'na, Patientia ta' ghi' bănnè?"
Eduard: ,,Bǎ'na me' la băḍă bhǎi sè èkaghăbăjă kettérra tang até. Mon lakar sengko' mènta, arapa kaḍhighăn ètolaka, djhǎ' sèngko' so Patientia la molaè ghi' kana' sè lăng-saghoeloeng."
