Eduard: Madjoe ra, djhă' njabisă, sèngko' terro njo'ona sapora ka towan, amarghâ sèngko' la sala, nangèng bărâmma sè ngabhidhăna?"
Humphrey: Ghămpang bhâi; bă'na la njabis kassa, mowana pa tjè' ladjhirră, la ta' osa tor-mator pa-apa. Towan tanto pas ngartè, djhă' bă'na njoona sapora."
Eduard: „Towan tanto dhoeka, amarghǎ sèngko' la abit ta' tao njabisăn kassa. Pandă, mon sèngko' la atemmo so towan, ta' 'èghembhănana polè, sèngko' pas ngormata sè tjè' rendăna rowa."
Humphrey: „Kèra sèngko' towan ta' k èra dhoeka, amarghă towan la myarsa, djha' bâ'na ngèrèng Sang Radjhă; towan ollè dhăḍdhi njangka: bă'na sakèng ta' tao, djhǎ towan bădă è Londen. Mon dhăgghi' bâ'na njabis abhăreng sèngko', towan masè sadjan njatet, djhă' bă'na ta' tao ongghoe, djhâ' towan bădă dinna'. Atorraghi bhâi, dhăgghi' mon towan mrèksa, djha bâ'na, parkara kabellăsanna towan, ngèding dări sèngko'."
Eduard: „Ijă, mara sèngko' njabisa. Tjoma sèngko' mangmang pola panemmona bă'na parkara Patientia bhender ongghoe."
Eduard pas mangkat, njabis ḍǎ' dhălemma towan Heatherstone. Sareng towan Eduard ètarèma sareng bhoengana pangghâliăn. Towan pas adhâboe, manabi tana Arnwood ampon tèbhâ ka Eduard. Eduard samèrengngèpon dhăboena towan sapanèka, pas saklangkong pèrakka sarta pas mator seboe kaso'on, tor pas njo'on sapora sakalè atas sadhădjă kaklèroan otabă kasalaʼannèpon.
Katjatora Patientia bâktona bhoeroe nèngalè Eduard, mowana sakeddjhǎ' mèndâr, sakeddjbă potè olaj, tor bhâdhănna sakodjhoer ngotak. Sarrèna Eduard ampon jâkin, manabi Patientia assra patè ḍă' abă'na, kadhi abăna dâ' Patientia, dhăḍdhi pas èsoʼon ka towan Kobăsa. Sè njandhâng sareng ramana èngghi ampon paḍă rampa djhoeghăn.
Ra-kèra ella' sataon ḍări djhoemennengnga Sang Radjhă. è Hamp- ton-Court pas băḍă pèsta radjă, èngghi panèka pèstana komantan tello' djhoedhoe: Eduard Beverley sareng Patientia Heatherstone, Chaloner sareng Alice, Grenville sareng Edith.
Bâkto dhâddhina, Sang Radjhă èngghi raboe djhoeghăn. Nalèka Sampèjan-dhalem nonton mantan binè' sè katello èparèngngaghi ḍă' mantan lake', ngandhika sapanèka „Kamanteppanna atè bhă' bădă'ă les-bǎlessă sè djhoeng radjă'ăn ḍări rèja?"
