24
djhă na'-kana' ka'into poltrana Kornel Beverley se esto sarta sè atatolong ḍă' ka Sang Radjha, sanaddjhăn na'-kana' ghăpanèka èpapalèmana ka băngatowana - Villiers - tanto ta' kèra băḍă lè'-ngolè"
Nangeng Jakob kobăter bisaos ḍălem atèna; sarengngan polè tja'èpon pèkkèrra; „Sengko' la rè-karè ghăgghăr otja' adjǎndjhi ḍă' Kornèl mèjara'a bǎn adjăgă'ǎ tra-pottrana, molana matè oḍă' kana' djrèja èkepkeppana sèngko' èdǎlem alas bhăi, èangghebbhǎ tangana' dhibi' Sambi'ănna èdimma băḍă pangongsèan sè asèngkoan băn è tang bengko?"
Dhoek-ponghoegghă padjăgăna alas panèka rangrang orèng onèng, sabab kennengannèpon két-njelkėt èba'-băbǎ'ǎnna kadjoeǎn radjǎ. Karreppa Jakob na'-kana' kaempa ghǎpanèka èrabădhăna ė tjompo'na, kantos naghără tremtem polè sarengngan abǎ'na ta' lǎ'-bǎlǎ'ǎ ḍă' ka orèng laènna, manabi na'-kana' kaempa bhoeroe bădǎ èghika'ijă, sopadjǎ èsangka’a orèng padă matè katonon asareng padhălemman ka'issa. Pékkérra Jakob sapanèka: „Dhina, na'-kana' djrėja ėėngonana sabǎdăna băi, ijă arėja ollèna sèngko' abhǎbhoerve ka alas bån polè sambi èlǎ'-bålǎ'ǎna pangataoan nè'-sakone', sopadjǎ paghi' mon towa, taoa njarè kasap dhibi'; bi' sèngko' èadjhărǎna atanè, sengko' èdissa anḍi' tana sakoně. Ngara dalem doewa' otabă tello taon na'-kana' djrėja masè la taoa asasabǎ dhibi'. Laèn ḍări djrėja so sèngko' sambi èboeroeghǎ parkara aghăma, dhăddhiǎ nè'-sakone', sopadja taoa tako' ḍă' Ghoestè Alla. Mandhăr Ghoestè sè Aghoeng bhălăka njambădhănana băn ngraksa’a na-kana’ ko'ong djrèja.” Sapanèka pèkkèrra Jakob è lǎn-djhalån, ta' abit pas nattol ka tjompo'na.
Katjatora na'-kana' sè kaempa paḍă ngamba' dătengnga Jakob élowar labăng. Sareng nèngalė Jakob ngombăr, pas ka'-berka', mapak; sapanèka djhoeghǎ bhoeroessa ta' tjèttjėr, mala aḍhingènė paberka'na na’-kana' ghǎpanèka; Jakob ngotja'; „His, neng-enneng, Smoker! Bărămma Eduard, pada salamet tan-trètanna? Pya, empon boelă tjè' lessona. Maddha, ka, lebbhoe ka roma, sabab bhǎlăna Parlemmèn njalosor alas něko, tako' dhika so tan-trètanna pas èkanalè." Alice. sambi negghoe' tanangnga Jakob ngotja' sapanèka: „Apa kerana doe-sardǎdoe djrėja ngobbhărǎ ko-bengko ḍălem alas rèja sakalè?".
,,Lakar ghǎněko sè èkakobǎtèr boelǎ. Sabab mon doe-sardǎdoe ghǎnèko tao, djha' dhika satrètan bǎḍă ko'ija, ollè dhaddhi bengko něko pas èobbhăr. Molana dhika bi' ngastètè, djhä' kälowarǎn !"
