28
otja'na: „Eh, băddhinna tang sadijă'ăn la taḍă'! "Jakob njambhit: ,,Ta' dhăddhi napè, na', anggher dhika satrètan salamet bhai ta' empon; maḍḍhă sanonto amassa' polè; ghoe ta' ollè èkao-tao dhika, Eduard, ko'assa njello' aèng polè; Humphrey maddha sėksėk bhäbängnga sambi nangès kanta ghella' ghǎrowa; Alice, kombi' kentangnga, mon marè pas bättjo pabhersè; dhinèng Edith kassa nolongè tan-trètanna, pola mè' èsoroa ngala' pè-napė. Sè ngerra'a dbaghingnga boelǎ."
Humphrey ngotja: „Mandhår padǎ'ǎ bhǎlǎka njamanna so sè ghellǎ'."
Saotta Jakob:, Kèra boelǎ djhẵng njamanan polè, krana dhika so tan-trètanna něko pon so'è atamba pènter, napė polè dhǎgghi' ngakan teppa'na par-laparra."
Edith ngotja: „Orèng băngsat ongghoe sẻ matadă să-massa'an ghellä rowa. Nangèng salėja ta' kèra sè mèloa polè."
Sareng ampon massa', Jakob sareng na'-kana' ghǎpanèka sadhǎdjå pas padă neḍdhǎ, saklangkong amangsa, amarghă dări laparra.
Humphrey ngotja' sambi mol-kemmolan: „,Satèja sèngko' la marem."
Sambhiddha Jakob: ,,Lakar engghi ongghoe, mala kèra boelǎ arè nonto Radjhǎ Karel ta' adhǎ'år njaman kanţa něko. Eduard, anapè dhika ma' masė ta' renna bårinto, mè' ta' akanţa sabbhånna?"
Eduard njambhit: „Ijă, Kob, sengko' lakar sossa bhǎi. Sè. èpèkker so sengko' taḍă' laèn, kadjhǎbhå: sengko' tje' terrona malessa djhoeba' ḍă' moso sè ngobbhår padhǎlemman rowa; dhiddhi'ǎ bhoengana sang atè."
Jakob ngotja' polè: „Mon dhika nemmonana moso ghǎrowa, pon. tanto ta' kowat; molana pasabbhăr bhai dhălloe. Kènga'è otjaʼna rèng na-konana: „Sabhǎrăng kalakoan bădă băktona băng-sèbăng. Mon sanonto ghi' bănnè baktona dhika nemmonè moso antos ghǎlloe. Sapa tao pola Sang Radjha me' tao djhoemenneng Rato polè."
È arè ghǎpanèka taḍă' orèng sèttonga polè sè dǎteng ka tjompo'na Jakob. Sareng ampon malem, Jakob sareng na'-kana' èngghărowa pas padǎ tedoeng. Kalaggloeǎnna saamponna na'-kana' ghăpanèka marè asarapan, ladjhoe èbălăi akal kadhi sè bǎri' sareng Jakob, manabi bada doe-sardadoe dateng adjhoeloedbăghǎ ka tjompo'na. Samarèna la-malaè Jakob è arè ghǎpanèka pas èntar da Suze Allwood terro mèrengnga bertana Sang Radjhǎ. Samarèna bhǎ-ngabbhǎi djhǎ-
